Clotted cream

in Wikipedia, die vrye ensiklopedie
Jump to navigation Jump to search
Clotted cream met 'n sagte kors bo-op

Clotted cream (soms ook clouted cream of Devonshire cream genoem) is 'n soort dik room wat van volroommelk gemaak word.

Die melk word indirek met stoom of in 'n waterbad verhit en daarna in 'n vlak pan gegooi om af te koel. Terwyl dit afkoel, begin die room of melkvet na die oppervlakte van die melk opstyg waar dit klontjies (Engels: clots of clouts) vorm. Clotted cream is 'n belangrike bestanddeel van Britse cream tea, 'n ligte maaltyd wat in die namiddag bedien word.

Alhoewel die presiese oorsprong nie bekend is nie, word clotted cream gewoonlik met melkboerderye in die suid-weste van Engeland, veral Cornwall en Devon, verbind. Die grootste kommersiële produsent is Rodda's in Redruth, Cornwall wat daagliks sowat 25 ton se clotted cream vervaardig. Die benaming Cornish clotted cream word sedert 1998 deur 'n verordening van die Europese Unie as room van oorsprong beskerm mits die melk in Cornwall geproduseer is en die vetgehalte nie laer is as 55% nie.

Eksterne skakels[wysig | wysig bron]