CompactFlash

in Wikipedia, die vrye ensiklopedie

CompactFlash (CF) is 'n flitsgeheue massastoortoestel wat hoofsaaklik gebruik word in draagbare elektroniese toestelle. Die formaat is gespesifiseer en die toestelle die eerste keer deur SanDisk vervaardig in 1994.[1]

CompactFlash het die suksesvolste van die vroeë geheuekaartformate geword, deur beide Miniature Card en SmartMedia te oortref. Die daaropvolgende formate, soos SD/MMC, verskeie Memory Stick formate, en xD-Picture Card het strawwe kompetisie gebied. Die meeste van hierdie kaarte is kleiner as die CompactFlash terwyl dit vergelykbare kapasiteit en spoed bied. Handelsmerkgeheuekaartformate vir gebruik in professionele klank en video, soos P2 en SxS, is vinniger, maar fisies groter en veel duurder.

'n Nikon D200 DSLR kamera met 'n 1 GB CF-kaart in sy gleufie

CompactFlash bly gewild en word ondersteun deur baie professionele toestelle en hoëwaarde verbruikerstoestelle. Teen 2014 het beide Canon[2][3] en Nikon [4] CompactFlash vir hul vlagskip digitale kameras gebruik. Canon gebruik ook CompactFlash as die opnamemedium vir sy professionele hoë-definisie bandlose videokameras.[5] Ikegami professionele videokameras kan digitale video op CompactFlashkaarte opneem deur middel van 'n addisionele passtuk.[6]

In 2008 is 'n variant van CompactFlash, CFast aangekondig. CFast (ook bekend as CompactFast) is gebaseer op die serie-ATA-koppelvlak eerder as die parallele-ATA-koppelvlak wat gebruik word deur die oorspronklike CompactFlashkaarte.

In November 2010 het SanDisk, Sony, en Nikon 'n volgende generasie kaartformaat aan die CompactFlash-vereniging bekendgestel. Die nuwe formaat het 'n soortgelyke vormfaktor as CF/CFast maar is gebaseer op die PCI Express koppelvlak in plaas van parallelle of serie-ATA.[7][8] Met moontlike lees- en skryfspoed van 1 Gbit/s (125 Mb/s) en stoorvermoë groter as 2 TiB is die nuwe formaat gemik op hoë-definisie camcorders en hoë-resolusie digitale kameras, maar die nuwe kaarte is nie terug-versoenbaar met óf CompactFlash of CFast nie. Die XQD-kaartformaat is amptelik deur die CompactFlash-vereniging aangekondig in Desember 2011.[9]

Beskrywing[wysig | wysig bron]

'n 16-GB CompactFlashkaart geïnstalleer in 'n 2.5" IDE-poort met 'n passtuk

CF-kaarte kan direk gebruik word in 'n PC Card-gleuf met 'n inprop-passtuk, wat gebruik word as 'n ATA (IDE) of PCMCIA stoortoestel met 'n passiewe passtuk of met 'n leser, of aan ander vorme van poorte soos USB of FireWire. Omrede 'n paar nuwe kaarttipes kleiner is, kan hulle direk gebruik word in 'n CF-kaartgleuf met 'n passtuk. Formate wat op hierdie manier gebruik kan word sluit in SD/MMC, Memory Stick Duo, xD-Picture Card in 'n Tipe I gleuf, en SmartMedia in 'n Tipe II gleuf, teen 2005. Sommige multikaartlesers gebruik CF ook vir I/O.

Tegniese besonderhede[wysig | wysig bron]

Die CompactFlash koppelvlak is 'n 50-pen substel van die 68-pen PCMCIA[10] konnekteerder. "Dit kan maklik glip in 'n passiewe 68-pen PCMCIA Tipe II tot CF Tipe I passtuk wat ten volle voldoen aan PCMCIA elektriese en meganiese koppelvlakspesifikasies", volgens compactflash.org.[11] Die koppelvlak bedryf, afhangende van die toestand van 'n modus pen met aanskakel, as óf 'n 16-bit rekenaarkaart (0x7FF adres beperk) of as 'n IDE (PATA) koppelvlak.[12]

Spoed[wysig | wysig bron]

CompactFlash IDE (ATA) nydigheid spoed is gewoonlik gespesifiseer in die "x" graderings, bv. 8x, 20x, 133x. Dit is dieselfde stelsel wat gebruik word vir CD-Rom's en dui op die maksimum oordragkoers in die vorm van 'n vermenigvuldiger gebaseer op die oorspronklike klank-CD data-oordragtempo, wat 150 kG/s is.

Hierdie is die vervaardiger se spoedgraderings. Werklike oordragspoed kan hoër wees, of laer, soos getoon op die kaart[13] afhangende van verskeie faktore. Die spoedgradering wat aangehaal word, is byna altyd die leesspoed, terwyl die skryfspoed dikwels stadiger is.

Vermoëns en verenigbaarheid[wysig | wysig bron]

CompactFlash na SATA passtuk met 'n kaart ingevoeg

Die CF 5.0 spesifikasie ondersteun vermoëns tot op 128 PB met behulp van 48-bit logiese blok aanspreek (LBA).[14] Voor 2006 het CF drywe wat magnetiese media gebruik, die hoogste vermoëns (tot 8 GB) gebied. Nou is daar vastetoestandkaarte met selfs hoër vermoëns (tot 512 GB).[15]

Teen 2011 het vastetoestand drywe (SSDs) beide soorte CF-drywe vir groot kapasiteitvereistes uitgestof.

Vastetoestandvermoëns[wysig | wysig bron]

SanDisk het in September 2006 sy 16 GB Extreme III-kaart by die photokina-handelskou aangekondig.[16] Daardie selfde maand het Samsung sy 16, 32 en 64 GB CF-kaarte vrygestel.[17] Twee jaar later, in September 2008, het PRETEC aangekondig dat hulle 100 GB kaarte gaan vrystel.[18]

Sien ook[wysig | wysig bron]

Verwysings[wysig | wysig bron]

  1. Digiprint Uk[dooie skakel]
  2. "Canon U.S.A. Introduces The New Canon EOS-1D X Digital SLR Camera, Re-Designed From The Inside Out" (Persverklaring).
  3. "Canon U.S.A. Introduces EOS-1D C Digital SLR Camera Featuring 4K High-Resolution Video Capture" (Persverklaring)
  4. "Digital SLR Camera Nikon D4" (in Engels). Nikon Corporation. 6 Januarie 2012. Geargiveer vanaf die oorspronklike op 9 Mei 2020. Besoek op 7 Januarie 2012.
  5. File-based video recording onto CF cards: features and benefits, by Canon Inc.
  6. "Ikegami at Government Video EXPO 2010, press-release by Ikegami Ltd". Geargiveer vanaf die oorspronklike op 7 Januarie 2017. Besoek op 16 September 2016.
  7. Engadget: Sandisk, Sony, and Nikon propose 500MBps memory card with more than 2 TB capacity
  8. "CNET: CompactFlash allies rally against dominant SD". Geargiveer vanaf die oorspronklike op 27 Januarie 2012. Besoek op 16 September 2016.
  9. Engadget: CompactFlash Association readies next-gen XQD format, promises write speeds of 125 MB/s and up
  10. http://www.pcmcia.org/pccard.htm
  11. "argiefkopie". Geargiveer vanaf die oorspronklike op 1 Maart 2010. Besoek op 16 September 2016.
  12. http://www.allpinouts.org/index.php/CompactFlash
  13. "argiefkopie". Geargiveer vanaf die oorspronklike op 18 Maart 2018. Besoek op 16 September 2016.
  14. "COMPACTFLASH ASSOCIATION ANNOUNCES AVAILABILITY OF THE NEW CF5.0 SPECIFICATION" (PDF). CompactFlash Association. Geargiveer vanaf die oorspronklike (PDF) op 17 Julie 2014. Besoek op 21 Junie 2014.
  15. "argiefkopie". Geargiveer vanaf die oorspronklike op 26 November 2015. Besoek op 16 September 2016.
  16. SanDisk Introduces the World's Highest Capacity Card for Professional Photographers[dooie skakel]
  17. Samsung Announces First 40-nanometer Device 32 Gb NAND Flash with Revolutionary Charge Trap Technology
  18. Pretec Releases 64 GB and 100 GB CF Card – Highest Capacity in the World