Copperton

in Wikipedia, die vrye ensiklopedie
Spring na: navigasie, soek
Copperton
Ligging van Copperton op 'n kaart (Noord-Kaap)
Copperton
Copperton
Koördinate: 29°55′S 22°18′O / 29.917°S 22.300°O / -29.917; 22.300Koördinate: 29°55′S 22°18′O / 29.917°S 22.300°O / -29.917; 22.300
Land Vlag van Suid-Afrika Suid-Afrika
Provinsie Noord-Kaap
Distriksmunisipaliteit Pixley ka Seme
Plaaslike Munisipaliteit Siyathemba
Stigtingsdatum 1971
Oppervlak
 - Gehug 70,55 km²  (27,2 vk m)
Bevolking (2011)
 - Gehug 57

Copperton is 'n voormalige myndorpie in die Karoogebied van die Noord-Kaap. Dis geleë in die Pixley ka Seme-distriksmunisipaliteit en die Siyathemba Plaaslike Munisipaliteit, met sy setel op Prieska.

Dit is in 1971 gestig in verband met die kopermyn op die plaas Vogelstruisbult. Dit was van 1975 tot 1987 die middelpunt van die NG gemeente Vergesig, wat van die NG gemeente Prieska afgestig het en weer daarby ingelyf is. Die dorp het in 'n stadium 3 000 inwoners gehuisves en 'n skool en verskeie ontspanningsgeriewe gehad, onder meer 'n gholfbaan. Anglovaal het die myn, wat in 1972 geopen is, in 1991 gesluit. Die meeste van die geboue is intussen gesloop en net enkele huise word nog gebruik deur Denel, wat 'n missieltoetssentrum hier bedryf.

Die dorpie se oppervlak is 70,55 km². In 2011 was die inwonertal 57, van wie 49 wit, ses bruin en een swart was. Dis vergeleke met 'n inwonertal van 36 in 2001, van wie 27 bruin en nege wit was.

Garob Wind Farm (Pty) Ltd het in Junie 2013 omgewingsgoedkeuring gekry[1] om 'n windplaas in die omgewing, wat besonder winderig is,[2] op te rig.

Sien ook[wysig | wysig bron]

Verwysings[wysig | wysig bron]