Dachau

in Wikipedia, die vrye ensiklopedie
Jump to navigation Jump to search
Oorlewende kinders in 1945
Oorlewende Poolse gevangenes in 1945

Dachau was ’n konsentrasiekamp in die suide van Duitsland waar duisende Jode en ander gevangenes gedurende die Tweede Wêreldoorlog om die lewe gebring is.[1] Die kamp is in 1933 deur Heinrich Himmler op die gronde van 'n ou ammunisiefabriek gebou. Dit was suidoos van die Middeleeuse stad Dachau, 16 km noordwes van München in die staat Beiere geleë. Die oorspronklike doel was om politieke gevangenis te interneer.[2]

Die kamp is uitgebrei om gewone Duitse en Oostenrykse misdadigers te huisves. Uiteindelik is buitelandse burgers uit lande wat Duitsland beset of binnegeval het ook daarheen gestuur. Die Dachau-kampstelsel het tot byna 100 subkampe gegroei, wat oor die hele suide van Duitsland en Oostenryk versprei was. Die meeste hiervan was werkkampe of arbeidskommando's. Hierdie kampe is in die lente van 1945 deur Amerikaanse troepe bevry.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. (21 Maart 1933) “Ein Konzentrationslager für politische Gefangene In der Nähe von Dachau” (in German). Münchner Neueste Nachrichten ("The Munich Latest News").

Eksterne skakels[wysig | wysig bron]

Koördinate: 48°16′08″N 11°28′07″O / 48.26889°N 11.46861°O / 48.26889; 11.46861