Dahsjoer
| Dahsjoer | ||
| ||
| Snofroe se Rooi Piramide. | ||
| Koördinate | 29°48′23″N 31°12′29″O / 29.80639°N 31.20806°OKoördinate: 29°48′23″N 31°12′29″O / 29.80639°N 31.20806°O | |
| Plaaslike naam | دهشور | |
| Land |  Egipte
| |
| Soort | Dodeakker | |
| Geskiedenis | ||
| Bouer | Snofroe | |
| Gestig | 2613–2589 v.C. | |
| Tydperk | 4de Dinastie (Ou Ryk) | |
| Unesco-wêrelderfenisgebied | ||
| Tipe | Kultureel | |
| Kriteria | i, iii, vi | |
| Verwysing | 86 | |
| Streek† | Arabiese State | |
| Beskrywing* | Memphis and its Necropolis – the Pyramid Fields from Giza to Dahshur | |
| * Naam soos op die Wêrelderfenislys † Streek soos deur Unesco geklassifiseer. | ||
Dahsjoer (Arabies: دهشور) is ’n koninklike dodeakker op die wesoewer van die Nylrivier sowat 40 km van Kaïro, Egipte. Dit word ook getranslitereer as Dahsjur, Dashur of Dahshour. Dit is hoofsaaklik bekend vir verskeie piramides, waarvan twee van die oudstes, grootstes en bes bewaardes in Egipte is. Hulle is tussen 2613 en 2589 v.C. gebou.
Piramides[wysig | wysig bron]
.jpg)
Die Geboë en die Rooi Piramide is tydens die bewind van farao Snofroe (2613-2589 v.C.) gebou. Hy was die pa van Cheops. Die Geboë Piramide se vorm is uniek; die styl is vermoedelik aangepas weens ’n ingenieursprobleem wat tydens die bou daarvan ontstaan het. Die Rooi Piramide is die eerste ware gladde piramide in die wêreld.
Die piramide van die 12de-dinastiese farao Amenemhat II (1929-1895 v.C.) is nou erg beskadig. Langsaan is verskeie satelliet-piramides van koninklike vroue gevind wat nog redelik ongeskonde is en wat baie juwele bevat. Die Piramide van Senoesret III was deel van ’n groot kompleks met verskeie kleiner piramides van koninklike vroue.
Die Swart Piramide dateer uit die latere bewind van Amenemhat III (12de Dinastie) en hoewel erosie baie skade aangerig het, is dit die indrukwekkendste monument op die terrein naas Snofroe se twee piramides. Langsaan is die grafkelder van farao Hor uit die 13de Dinastie.
Daar is nog verskeie ander piramides, asook groot begraafplase vir amptenare van die Ou en Middelryk van Antieke Egipte.
Die terrein vandag[wysig | wysig bron]
In Julie 2012 het Dahsjoer se hele Christelike gemeenskap, sowat 100 families, na nabygeleë dorpe gevlug weens geweld tussen hulle en die Moslem-inwoners.[1] Daarna is die terrein erg geplunder deur plaaslike inwoners en omliggende nedersettings.[2]
Verwysings[wysig | wysig bron]
- ↑ El Deeb, Sarah (4 Augustus 2012). "Riot leaves an Egyptian village without Christians". Associated Press (in Engels). ABC News. Geargiveer vanaf die oorspronklike op 7 Augustus 2012. Besoek op 27 Julie 2014.
- ↑ El-Aref, Nevine (16 Januarie 2013). "No Longer Sacred". Al-Ahram. Al-Ahram Weekly. Geargiveer vanaf die oorspronklike op 18 Januarie 2013. Besoek op 18 Januarie 2013.
Eksterne skakels[wysig | wysig bron]
- Inligting oor Dahsjoer Geargiveer 18 Desember 2013 op Wayback Machine
- Foto's van die binnekant van die Geboë Piramide Geargiveer 17 Desember 2007 op Wayback Machine
Wikimedia Commons het meer media in die kategorie Dahsjoer.
Hierdie artikel is vertaal uit die Engelse Wikipedia
