Daniil Trifonof

in Wikipedia, die vrye ensiklopedie
Jump to navigation Jump to search
Daniil Trifonof
GeboortenaamDaniil Olegowitsj Trifonof
Gebore05 Maart 1991 (1991-03-05) (29 jaar oud)
Nizhny Novgorod, Sowjetunie (nou Rusland)
Beroep(e)Pianis en komponis
InstrumenteKlavier
Webwerfdaniiltrifonov.com

Daniil Olegowitsj Trifonof (Russies: Дании́л Оле́гович Три́фонов; gebore op 5 Maart 1991) is 'n Russiese pianis en komponis. Hy is "waarskynlik vandag se voorste klassieke virtuoos" deur die The Globe and Mail genoem [1] en deur The Times "sonder twyfel die mees verstommende pianis van ons era",[2] Trifonof se eerbewyse sluit 'n Grammy toekenning (2018) in, sowel as die Gramophone Classical Music Awards Kunstenaar van die Jaar toekenning vir 2016. Hy het as solis opgetree saam met orkeste soos die New York Filharmoniese Orkes, Cleveland Simfonieorkes, Koninklike Filharmoniese Orkes, Londen Simfonieorkes, Mariinsky Teater Orkes, Koninklike Concertgebouw-orkes, Berliner Philharmoniker, San Francisco Simfonieorkes, Houston Simfonieorkes en die München Filharmoniese Orkes, en het opvoerings gegee by liggings soos die Royal Festival Hall, Carnegie Hall, John F. Kennedy Sentrum vir die Uitvoerende Kunste, Berliner Philharmoniker, Théâtre des Champs-Élysées, Concertgebouw en die Seoul Kunstesentrum.

Trifonof het sy klavierspel op 5-jarige leeftyd begin aanleer. Hy het sy eerste solo-opvoering op die ouderdom van sewe gegee. In 2000 het hy onder Tatiana Zelikman aan die Gnessin Musiekskool in Moskou begin studeer. Trifonof het vanaf 2009 tot 2015 onder Sergei Babayan aan die Cleveland Musiekinstituut studeer. In 2011 het hy die eerste prys en die Grand Prix tydens die Internasionale Tsjaikofski-kompetisie gewen, bykomend tot die eerste prys tydens die Arthur Rubinstein Internasionale Klavier-meesterkompetisie. In 2010 was hy 'n pryswenner tydens die Internasionale Chopin-klavierkompetisie. In 2013 het Trifonof 'n opnamekontrak geteken met Deutsche Grammophon; sy eerste album vir die etiket, 'n lewendige opname van sy solo debuut opvoering by Carnegie Hall, is genomineer vir 'n Grammy toekenning vir Beste Klassieke Instrumentale Solo opvoering. Hy het later in 2018 'n Grammy gewen vir sy album van die volledige études vir klavier deur Franz Liszt. Sy albums het verskyn op internasionale speellyste, met sewe wat op die Billboard tydskrif se Top Klassieke Album speellys verskyn het.

Verwysings[wysig | wysig bron]

  1. "Russian pianist Daniil Trifonov is the anti-virtuoso in an age of virtuosos" (in Engels). Geargiveer vanaf die oorspronklike op 14 Maart 2018. Besoek op 21 November 2018.
  2. Huizenga, Tom. "Daniil Trifonov: Tiny Desk Concert" (in Engels). Geargiveer vanaf die oorspronklike op 22 November 2018. Besoek op 21 November 2018.

Eksterne skakels[wysig | wysig bron]