Daphnis (maan)

in Wikipedia, die vrye ensiklopedie
Jump to navigation Jump to search

Daphnis   
PIA21056cropsharpen.jpg
Daphnis op ’n Cassini-foto (2017).
Ontdekking
Ontdek deur Cassini-span
Datum 6 Mei 2005
Wentelbaaneienskappe[1]
Wentelbaanradius 136 505,5±0,1 km
Wentelperiode 0,5940798 dae (14,257915 uur)
Hellingshoek 0,0036±0,0013 °
Satelliet van Saturnus
Fisiese eienskappe
Afmetings 8,6 × 8,2 × 6,4 km[2]
Gem. radius 3,8±0,8 km[2]
Massa 7,7±1,5×1013 kg[2]
Gem. digtheid 0,34±0,26 g/cm³[2]
Oppervlak-
aantrekkingskrag
0,0001–0,0004 m/s2[2]
Rotasieperiode Sinchronies
Ashelling Onbekend
≈ 0,5
Temperatuur ≈ 78 K

Daphnis (Grieks: Δάφνις) is ’n binneste maan van Saturnus. Dit is ook bekend as Saturnus XXXV; sy voorlopige naam was S/2005 S 1.[3] Daphnis is sowat 8 km in deursnee en kom voor in die Keeler-gaping in Saturnus se A-ring.

Naam[wysig | wysig bron]

Die maan is in 2006 genoem na Daphnis, ’n herderin en digteres in die Griekse mitologie;[4] hy was ’n afstammeling van die Titane, na wie Saturnus se grootste maan genoem is. Daphnis en Pan, die enigste ander herdersmaan in Saturnus se hoofringe, is albei na mitologiese figure genoem wat met herders verbind word.

Ontdekking[wysig | wysig bron]

Daphnis is in 2005 die eerste keer op ’n Cassini-foto gesien. Die swaartekragrimpels aan die kant van die ringe, waaruit die maan se bestaan afgelei is, is duidelik sigbaar.[5]

Voordat Daphnis afgeneem is, is die maan se posisie reeds afgelei van swaartekragrimpels wat aan die buitekant van die Keeler-gaping waargeneem is. Die maan is op 6 Mei 2005 deur die Cassini Imaging Science Team ontdek. Die ontdekkingsfoto's is op 1 Mei van dié jaar deur die Cassini-ruimtetuig geneem. Die maan is daarna gevind op 32 foto's wat op 13 April en 2 Mei van die F-ring geneem is.

Wentelbaan[wysig | wysig bron]

Die helling en eksentrisiteit van Daphnis se wentelbaan is baie klein, maar nie nul nie. Albei is aansienlik groter as dié van Pan (die groter maan wat die Encke-gaping veroorsaak). Die Keeler-gaping, waarbinne Daphnis voorkom, is sowat 42 km breed.

Uitwerking op Saturnus se ringe[wysig | wysig bron]

Terwyl Daphnis om Saturnus wentel, veroorsaak dit swaartekragrimpels aan die kant van die Keeler-gaping: Ringdeeltjies word deur die maan aangetrek en val dan terug in die rigting van die ring. Die golwe wat die maan aan die binnekant van die gaping maak, beweeg voor dit uit in sy wentelbaan en dié aan die buitekant volg op sy wentelbaan, vanweë die verskil in relatiewe wentelspoed.[6]

Eienskappe[wysig | wysig bron]

Op 18 Januarie 2017 is Daphnis van naby genoeg afgeneem sodat sy vorm duidelik sigbaar was. Dit het ’n onreëlmatige vorm, ’n hoofsaaklik gladde oppervlak, ’n paar kraters en ’n ekwatoriale rif.[6]

Verwysings[wysig | wysig bron]

  1. Jacobson, R. A. (2008). “Revised orbits of Saturn's small inner satellites”. Astronomical Journal 135 (1): 261–263. doi:10.1088/0004-6256/135/1/261.
  2. 2,0 2,1 2,2 2,3 2,4 (July 2010) “Sizes, shapes, and derived properties of the saturnian satellites after the Cassini nominal mission”. Icarus 208 (1): 395–401. doi:10.1016/j.icarus.2010.01.025.
  3. Martinez, C. en Dyches, P.; Cassini-Huygens: Cassini Finds New Saturn Moon That Makes Waves 10 Mei 2005
  4. IAUC 8730: Saturn XXXV (Daphnis) (naming the moon)
  5. NASA/JPL/Space Science Institute, "Wavemaker Moon" (2005-05-10)
  6. 6,0 6,1 "Daphnis Up Close". Cassini: Mission to Saturn. Besoek op 2017-01-19.

Eksterne skakels[wysig | wysig bron]