Dark Hedges

in Wikipedia, die vrye ensiklopedie
Jump to navigation Jump to search
The Dark Hedges naby Ballymoney, Co. Antrim

Die Dark Hedges is 'n laning ou beukebome langs Bregagh Road tussen Armoy and Stranocum in die Noord-Ierse graafskap Antrim. Die laning is in die 18de eeu deur die Stuart-familie geplant - blykbaar om besoekers te beïndruk wat op pad na die Stuarts se Georgiaanse herehuis Gracehill House was.[1]

Twee eeue later het die laning een van die mees gefotografeerde natuurbesienswaardighede in Noord-Ierland geword. Dit maak deel uit van die gewilde kusroete Causeway Coastal Route en het internasionale bekendheid verwerf as een van die coulisses vir die Amerikaanse kabeltelevisiekanaal HBO se epiese fantasie-dramareeks Game of Thrones wat in Belfast se filmateljee Titanic Studios vervaardig word.

Die Dark Hedges-lanings is vanaf 30 Oktober 2017 gesluit vir padverkeer - behalwe vir noodreddingsvoertuie en plaaslike inwoners - nadat die bome skade gely het.[2]

Verwysings[wysig | wysig bron]

Eksterne skakels[wysig | wysig bron]