Demi Lee Moore

in Wikipedia, die vrye ensiklopedie
Demi Lee Moore
GeboortenaamDemi Moore
Gebore7 Desember 1989
Worcester, Suid-Afrika
OorsprongDurbanville[1]
Beroep(e)Sangeres
Liedjieskrywer
InstrumenteStem
Jare aktief2009 – tans
EtiketteColeske Artists

Demi Lee Moore (7 Desember 1989, Worcester, Suid-Afrika), van Durbanville is ’n Suid-Afrikaanse sangeres en die wenner van die TV-musiekwerklikheidsreeks Die Kontrak op die TV-kanaal VIA. Sy het ’n platekontrak by Coleske Artists losgeslaan en op 2018 se Afrikaans Is Groot-konserte opgetree as deel van haar prys.[2]

Demi Lee se eerste liedjie by Coleske Artists, "Mis Eet Slaap Herhaal", is net voor die konsert uitgereik en was gou no. 1 op die Afrikaanse iTunes.[3]

Lewe[wysig | wysig bron]

Demi Lee is op Worcester gebore, maar haar gesin het later na Durbanville getrek. Sy het op negejarige ouderdom begin sing en op 19 besluit om voltyds te sing.[4] Sy het onder meer vir ’n paar maande by The Barnyard Theatre aangesluit en is in 2013 benoem vir ’n Ghoema vir beste popalbum vir Net ’n Mens.[5] Sy het in 2014 aan Idols X deelgeneem, waar sy die sewende plek behaal het.[6] Haar enkelsnit "Liefdes Wen Resep" is in 2015 uitgereik en het binne die eerste dag die no. 1-plek op die Afrikaanse iTunes behaal.[7]

In 2018 het Demi Lee aan Die Kontrak deelgeneem. Dit was ’n realiteitsangkompetisie waarop agt aspirantmusieksterre ná ’n landwye aanlynveldtog uit bykans 2 000 sangers gekies is. Hulle is deur mentors gebrei vir die uitklopkonserte wat hulle week na week moes aandurf. Demi Lee en Ivan Roux was die laaste twee deelnemers wat oorgebly het en Demi Lee het eindelik gewen. Haar mentor was Monique Steyn.[8]

Demi Lee se album Mis Eet Slaap Herhaal is op 30 November 2018 uitgereik. Dit bevat die volgende snitte:

  • Mis Eet Slaap Herhaal
  • Vulkaan
  • Lelie
  • Spore
  • Lei My na die Water
  • Sproetjies
  • Ek Is Hier
  • Diane (saam met Monique Steyn)
  • My Alles
  • Gooi Jou Arms om My
  • Somebody to Love

Diskografie[wysig | wysig bron]

Albums[wysig | wysig bron]

  • Net ’n Mens (2014)
  • Mis Eet Slaap Herhaal (2018)
  • Country (2019)
  • Jy Ken My Naam (2021)

Liedjies[wysig | wysig bron]

  • Liefdes Wen Resep (2015)
  • Jy Maak My Beter (2016)
  • Amanda (2018, saam met Steve Hofmeyr)
  • There was Jesus (2020, saam met Riaan Benadé)

Verwysings[wysig | wysig bron]

  1. Demi-Lee Moore wins Die Kontrak Jakaranda FM, 23 November 2018. Besoek op 10 Julie 2019.
  2. Die Kontrak: En die wenner is . . ., Geargiveer 29 Desember 2019 op Wayback Machine Afrikaanse Musieknuus, 23 November 2018. Besoek op 25 November 2018.
  3. Nico Strydom. Demi Lee: 'Al my drome is besig om waar te word', 24 November 2018. Maroela Media. Besoek op 25 November 2018
  4. Demi Lee Moore op Facebook. About. Besoek op 25 November 2018
  5. Ghoema 2013: Benoemings bekend. 4 Maart 2013, Sarie. Besoek op 25 November 2018
  6. SA Management, Demi Lee Moore. Besoek op 25 November 2018
  7. Die Boer. Demi Lee Moore – Jy maak my beter,[dooie skakel] 4 Augustus 2015, zajazz. Besoek op 25 November 2018
  8. Die Kontrak: Hier is die top-8 deelnemers!, Geargiveer 26 April 2020 op Wayback Machine Afrikaanse Musieknuus, 26 September 2018. Besoek op 6 November 2018.

Eksterne skakels[wysig | wysig bron]