Steve Hofmeyr

in Wikipedia, die vrye ensiklopedie
Spring na: navigasie, soek
Steve Hofmeyr
Steve Hofmyer crop.jpg
Geboorte 29 Augustus 1964
Pretoria
Beroep(e) Sanger, akteur, skrywer
Instrument(e) Stem
Aktiewe jare 1989–nou
Webwerf http://stevehofmeyr.co.za/
Portal.svg Musiekportaal

Steve Hofmeyr (gebore 29 Augustus 1964 in Pretoria) is 'n Suid-Afrikaanse sanger, liedjieskrywer en akteur. Sedert 2006 is hy ook die gasheer van die kykNET-program Dis Hoe Dit Is met Steve.

Nadat hy in 1982 aan Grey-kollege in Bloemfontein gematrikuleer het, het hy twee jaar lank militêre diens in die weermag verrig, waarna hy by die Technikon Pretoria se dramaskool gestudeer het. Hier het hy in 1986 'n diploma in drama behaal. In 1998 het Hofmeyr met die aktrise Natasha Sutherland getrou; die egpaar het twee seuns, Sebastian (gebore op 13 Desember 2001) en Benjamin (gebore in 2003). Hulle is sedertdien geskei. Steve het weer geluk gevind en is in januarie 2014 weer getroud met Janine.

Musiekloopbaan[wysig]

Hofmeyr se musiekloopbaan het reeds vroeg in sy lewe begin: hy het as jong seun in die kerkkoor gesing en reeds op 11-jarige ouderdom begin om musiek te skryf.[1]

In 1997 tree hy tot die internasionale musiekarena toe met die duet You Don’t Bring Me Flowers wat hy saam met die Belgiese superster Dana Winner vir sy album True to You opgeneem het. Hierdie snit is ook in Nederlands (Vroeger Bracht Je Bloemen)[2] opgeneem en het die nommertwee-posisie in die Belgiese "Top 100" behaal. Alle kaartjies vir Dana en Steve se gesamentlike optredes op die verhoog in België en Suid-Afrika was uitverkoop. Een van Steve se eie liedjies was ook 'n treffer vir Dana in Europa.

Steve Hofmeyr het in 2001 deur Suid-Afrika getoer met Beautiful Noise wat die lewe en musiek van Neil Diamond uitbeeld. Hy het in dié jaar ook sy DVD met dieselfde titel uitgereik. Die toer was 'n groot sukses met 224 konserte waarvan alle kaartjies uitverkoop was. Van die liedjies wat Hofmeyr self geskryf het, is 150 reeds deur Suid-Afrikaanse en internasionale kunstenaars opgeneem.

Digkuns[wysig]

Hofmeyr het reeds drie digbundels geskryf, maar slegs een, Valkuns, is in 1997 deur Human & Rousseau gepubliseer. Oor dié bundels sê hy: "Ek het min illusies: hulle's nog ver van reg af".[3] en "Ek’s nie 'n grootse digter nie. Hulle is eintlik maar net ekonomiese liedjies of gekondenseerde lui gedagtetjies!"[4]

Toekennings[wysig]

  • 2003: ATKV Beste Onderhoud in 'n Tydskrifprogram: as onderhoudvoerder in die kykNET-reeks Dis Hoe Dit Is, wat in 2002 uitgesaai is.
  • 2004: SAMA-toekenning vir die bes verkopende kunstenaar vir die album Toeka (165 000 eenhede verkoop).
  • 2004 Solidariteit se "Grootste Bydrae tot Bevordering van Afrikaans"-toekenning.
  • 2005 (GMT)Geraas-toekennings: Beste verkope in 2004 (vir die CD Toeka 2).
  • 2005 (GMT)Geraas-toekennings: Liedjie van die jaar (Pampoen).

Bibliografie[wysig]

  • Vier briewe vir Jan Ellis, EAN: 9781770220812
  • Valkuns, Human & Rousseau, 2007, ISBN 0798137452

Verhoogoptredes[wysig]

  • Bar and Ger
  • Summer Holiday
  • Joseph and His Amazing Technicolor Dreamcoat (1989)
  • Die Soen (1997, tydens die Klein Karoo Nasional Kunstefees)
  • The Sound of Music (2005)
  • Dis Hoe Dit Was: Die Steve Hofmeyr-storie (2007)

Rolprente[wysig]

TV-programme[wysig]

  • Guillam Woudberg (1985)
  • Agter Elke Man (as Bruce Beyers, 1986 - 1988)
  • Egoli (as Doug Durand, 1992 - 2001)
  • Sporting Chance (aanbieder, 1995)
  • Dis Hoe Dit Is met Steve (gasheer, 2006 -)
  • 7de Laan (as Brandt van den Bergh, 2007 -)

Musiek[wysig]

Albums[wysig]

Jaar
Titel Opmerking
1989 Desertbound Platinumstatus.
1990 Only Me Goue status.
1991 Steve Goue status.
1992 No Hero Klankbaan van die film No Hero, goue status.
1993 Tribute Platinumstatus.
1994 Die Treffers / The Hits Platinumstatus.
1994 Tribute, Vol.2
1996 Decade of Steve Hofmeyr Goue status. Ook op video uitgereik.
1997 True to You Goue status
1997 Die Bloubul Song Enkelsnit, multiplatinumstatus.
1997 Close to You Enkelsnit.
1999 Southern Cross Goue status
2000 Beautiful Noise Multiplatinumstatus
2000 Grootste Treffers Vol.2 Platinumstatus
2002 Engele Om Ons Goue status
2003 Toeka Multiplatinumstatus
2004 Toeka 2 Multiplatinumstatus
2005 Grootste Platinum Treffers Dubbel-CD, multiplatinumstatus.
2006 Laaities en Ladies Goue status.
2007 Waarmaker
2010 Duisend en Een
2011 Haloda

DVD's[wysig]

  • A Beautiful Noise - On a Hot August Night - The Music of Neil Diamond
  • Grootste Platinum Treffers
  • Toeka - Nag van die Legendes

Verwysings[wysig]

  1. About Entertainment - Steve Hofmeyr. Laaste besoek op 29 Augustus 2007.
  2. (nl) Vroeger Bracht Je Bloemen - Dana Winner en Steve Hofmeyr YouTube
  3. Oorspronklik Engelse aanhaling: "I have few illusions; they're far from ready..." vanaf Hands On Promotion - Steve Hofmeyr. Laaste besoek op 29 Augustus 2002.
  4. Kuier saam in Afrikaans. Laaste besoek op 29 Augustus 2002.

Sien ook[wysig]

Commons-logo.svg
Wikimedia Commons het meer media verwant aan:
Steve Hofmeyr (kategorie)

Eksterne skakels[wysig]