Der Neue Tag

in Wikipedia, die vrye ensiklopedie
Jump to navigation Jump to search

Der Neue Tag (die nuwe dag) was 'n dagblad wat in Praag verskyn het. Dit is in 1939 gestig en het as die Reichsprotektor van Protektoraat Boheme en Morawië se amptelike orgaan gedien. Die koerant se eienaar was die Europa-Verlag (Europa-Uitgewery), 'n maatskappy binne die Franz-Eher-Verlag van Max Amann wat deur Rolf Rienhardt bestuur is. Alle buitelandse en besettingskoerante van die Duitse Ryk is in hierdie maatskappy gebundel.[1] Na buite het die Böhmisch-Mährische Verlags- und Druckerei-GmbH as uitgewer opgetree.[2]

Die besturende direkteur was Anton Langhans en die redakteur Walter Wannenmacher. Die redaksie, wat uit tien lede bestaan het, is met medewerkers in Berlyn en Wene asook in Ankara, Bratislava, Boedapest, Boekarest, Lissabon, Madrid, Sofia und Stockholm aangevul (1944). Die koerant het op alle weeksdae met 'n sirkulasie van omtrent 40 000 eksemplare met 'n hoof- en provinsiale uitgawe verskyn, totdat dit teen die protektoraat se einde in 1945 gestaak is.

Literatuur[wysig | wysig bron]

  • Institut für Zeitungswissenschaft an der Universität Berlin (uitgewer): Handbuch der deutschen Tagespresse. Armanen-Verlag, Leipzig 1944 (7. uitg.), p. 315

Verwysings[wysig | wysig bron]

  1. Oron J. Hale: Presse in der Zwangsjacke 1933-45. Droste, Düsseldorf 1965, Duitse vertaling van The captive press in the Third Reich, University Press, Princeton 1964, p. 280.
  2. Institut für Zeitungswissenschaft an der Universität Berlin (uitgewer): Handbuch der deutschen Tagespresse. Armanen-Verlag, Leipzig 1944 (7. uitg.), p. 315 en Thomas Tavernaro: Der Verlag Hitlers und der NSDAP. Die Franz Eher Nachfolger GmbH. Edition Praesens, Wene 2004, ISBN 3-7069-0220-6, p. 74–75.