Der Vorleser

in Wikipedia, die vrye ensiklopedie
Der Vorleser
SkrywerBernhard Schlink
LandDuitsland
TaalDuits
OnderwerpSjoa en liefde
GenreDrama
Uitgewer
Uitgegee

Der Vorleser (Afrikaans: Die Voorleser) is 'n roman deur Duitse regsprofessor en regter Bernhard Schlink. Dit is in 1995 in Duitsland gepubliseer en die Engelse vertaling daarvan (getiteld The Reader, deur Carol Brown Janeway) in die Verenigde State in 1997. Dit handel oor die opvolgende generasies se probleme met die begryp van die sjoa; spesifiek of die gevoel van sy oorsprong en skaal toereikend deur middel van geskrewe en gesproke media weergegee kan word. Hierdie vraag word toenemend die sentrum van sjoaletterkunde in die laat 20ste en vroeë 21ste eeu, soos wat die slagoffers en getuies van die sjoa afsterf en die lewende herinnering begin vervaag.

Schlink se boek is goed in Duitsland sowel as die VSA ontvang en het verskeie toekennings ontvang. Die roman was 'n vertrek van Schlink se gewoonlike krimi-romans. Dit het die eerste Duitse roman geword om bo-aan The New York Times se topverkoperslys te verskyn. Die roman is in 37 tale vertaal en word by kurrikula van tersiêre opvoedkundige instellings ingesluit tussen sjoaletterkunde en Duitse Taal-literatuur. In 2008 is 'n rolprent, The Reader, wat op Der Vorleser gebaseer is en deur Stephen Daldry geregisseer is, vrygestel en krities goed ontvang.

Eksterne skakels[wysig | wysig bron]