Derek Chauvin

Derek Michael Chauvin (gebore 19 Maart 1976) is 'n voormalige Amerikaanse polisieman wat skuldig bevind is aan die moord op George Floyd in Minneapolis, Minnesota.

Op 25 Mei 2020 het Chauvin gedurende 'n arrestasie, wat deur drie polisiebeamptes gemaak is, omtrent nege minute lank op die nek van George Floyd gekniel terwyl Floyd vasgeboei was. Floyd se gesig was teen die pad gedruk terwyl hy uitgeroep het "Ek kan nie asem kry nie". Floyd het daarna gesterf. Chauvin is die volgende dag deur die Minneapolis-polisiekantoor ontslaan. Op 29 Mei is hy gearresteer vir manslag en ander geringer misdade.

Die insident het aanleiding gegee tot verskeie protesoptredes in Minneapolis en oor die hele Verenigde State, wat later regoor die wêreld versprei het.

Chauvin is op 7 Oktober 2020 op borgtog vrygelaat. Sy moordverhoor het op 8 Maart 2021 in Minnesota se vierde geregtelike streekhof begin en op 20 April is daar tot 'n beslissing gekom. Die jurie het hom skuldig bevind op drie aanklagte van tweedegraadse onopsetlike moord en manslag. Ná sy skuldigbevinding is sy borgtog, wat 'n miljoen dollar beloop het, herroep en is hy na polisieaanhouding teruggestuur.

Bronne

•  McCaskill, Nolan D.; Forgey, Quint. "Derek Chauvin convicted of murdering George Floyd". Politico. Besoek op 20 April 2021.
• Xiong, Chao; Walsh, Paul; Olson, Rochelle. "Derek Chauvin convicted of murder, manslaughter in death of George Floyd". Minneapolis Star Tribune. Besoek op 20 April 2021
• Forliti, Amy. "EXPLAINER: What were charges against Chauvin in Floyd death?". ABC News. Besoek op 21 April 2021.
• Arango, Tim; Dewan, Shaila; Eligon, John; Bogel-Burroughs, Nicholas. "Derek Chauvin Trial Live Updates: Chauvin Found Guilty of Murdering George Floyd". The New York Times. Besoek op 20 April 2021.
•  Vera, Amir (June 2, 2020). "Independent autopsy and Minnesota officials say George Floyd's death was homicide". CNN
• 6th juror selected in Chauvin trial, 3rd-degree murder charge reinstated". fox9.com. FOX9. 11 Maart 2021. Besoek op 12 Maart 2021