George Floyd
.jpg)
George Perry Floyd jr. (14 Oktober 1973 – 25 Mei 2020) was 'n Afro-Amerikaanse man wat in 2020 bekendheid verwerf het nadat hy in Minneapolis, Minnesota, deur 'n wit polisieman vermoor is. Hy is in hegtenis geneem omdat 'n winkelklerk vermoed het hy het op 25 Mei 2020 'n vervalste $20-noot gebruik.[1]
Derek Chauvin, een van die polisiemanne wat op die toneel aangekom het, het nege minute lank op Floyd se nek gekniel en hom versmoor.[2]
Sy dood het wêreldwye betogings teen polisiegeweld teen swart mense ontlok. Sy laaste woorde, "Ek kan nie asem kry nie," het 'n slagwoord in die betogings geword.
Lewe
[wysig | wysig bron]Floyd het in Houston, Texas grootgeword. Hy speel Amerikaanse voetbal en basketbal deur sy hele skool- en kollegeloopbane. Hy was 'n ambagsman sowel as 'n hip-hop-kunstenaar en 'n mentor in sy religieuse gemeenskap. Hy word tussen 1997 en 2005 aan agt misdade skuldig bevind; in 2009 aanvaar hy 'n pleitooreenkoms vir 'n gewapende rooftog in 2007 en dien vier jaar gevangenisstraf uit.[3]
Hy verhuis in 2014 na Minneapolis, Minnesota en werk as 'n trokdrywer en uitsmyter. In 2020 verloor hy tydens die Covid-19-pandemie sy werk as veiligheidswag. Hy sterf tydens sy arrestasie vir die vermeende gebruik van vervalste banknote om sigarette te koop. Derek Chauvin, 'n wit polisieman, het nege minute lank op Floyd se nek gekniel.
Verwysings
[wysig | wysig bron]- ↑ McGreal, Chris (20 April 2021). "Derek Chauvin found guilty of George Floyd's murder". The Guardian. Geargiveer vanaf die oorspronklike op 20 April 2021. Besoek op 20 April 2021.
- ↑ Bailey, Holly (8 April 2021). "George Floyd died of low level of oxygen, medical expert testifies; Derek Chauvin kept knee on his neck 'majority of the time'". The Washington Post. Geargiveer vanaf die oorspronklike op 12 Oktober 2021. Besoek op 12 April 2021.
- ↑ Lee, Jessica (12 Junie 2020). "EXCLUSIVE: Investigating George Floyd's Criminal Record" [UITSLUITLIK: George Floyd se kriminele rekord word ondersoek]. Snopes.com (in American English). Besoek op 13 Junie 2020.
Eksterne skakels
[wysig | wysig bron]
Wikimedia Commons het meer media in die kategorie George Floyd.
