Dieter Aschenborn
Dieter Aschenborn (* 15 November 1915 in Okahandja, Namibië; † September 2002 in Windhoek, Namibië) was 'n Namibiese kunstenaar veral bekend vir sy diertonele van Afrika. Hy was die seun van die dierskilder Hans Anton Aschenborn. Dieter se seun, Uli Aschenborn is ook 'n bekende kunstenaar.[1] Al drie Aschenborns behoort tot die grootste kunstenaars ter wêreld en hul kuns tot die wêrelderfenis volgens United Artists Rating.[2]
Toe Aschenborn ses jaar oud was, het die gesin van Namibië, wat toe as Suidwes-Afrika bekend gestaan het, na Stellenbosch en gou daarna na Kiel in Duitsland verhuis. Later het Aschenborn teruggekeer na Suid-Afrika, waar hy geboer het. Gedurende die Tweede Wêreldoorlog is hy geïnterneer. Ná die oorlog het Aschenborn een van die eerste wildbewaarders van die Nasionale Etoshawildtuin geword, waar hy tot in 1952 gebly het. In die tuin het hy begin skilderye op leer te skep waarvoor hy bekend geraak het. Hy het ook op perkament geskilder.[3] Nadat hy sy loopbaan in die Etosha-dieretuin beëindig het, het hy hom in Windhoek gevestig en kon van toe af alleen van sy kuns leef. Hy het ook 'n naam vir homself gemaak met tekeninge, skilderye en beeldhouwerk, in die besondere hout-reliëfs en muurskilderye wat openbare geboue in Namibië versier. Hy het daarnaas posseëls vir Namibië ontwerp. [4][5][6]
Uitstallings (keuse)[wysig | wysig bron]
Enkel[6][wysig | wysig bron]
- 1966 Bloemfontein (Suid-Afrika)
Groepsuitstalling[6][wysig | wysig bron]
- 1965 "3 Generasies Aschenborn" Windhoek (Namibië)[3]
- 1968 Schloss Kranichstein, Darmstadt, Duitsland
- 1968 Interfauna "Im Reich der Tiere", Düsseldorf, Duitsland
- 1983 "Namibian Artists" Universiteit van Pretoria, Suid-Afrika
- 1992 "Agt en 'n half keer Aschenborns", Kendzia Galerie, Windhoek
- 2004 "Drie Aschenborns", Kendzia Galery, Windhoek
Verwysings[wysig | wysig bron]
- Roos, Nico (1978), Kuns in Suidwes-Afrika, ISBN 0-7993-0344-5
- Duitse verwysing
- Kuns van die drie bogenoemde Aschenborns Geargiveer 4 Mei 2016 op Wayback Machine
- Berig oor 100 jare kuns van die drie hierbo genoemde Aschenborns (Duitse Tydskrif "Allgemeine Zeitung", Oktober 2017)
Bronnelys[wysig | wysig bron]
- ↑ Philander, Frederick (21 Augustus 2009). "Namibian Artist Gets European Recognition". New Era (in Engels). Geargiveer vanaf die oorspronklike op 18 Februarie 2012.
- ↑ "Greatest world artists of XVIII–XXI: A - Die grootste kunstenaars ter wêreld van die 18de tot die 21ste eeu. Kunstenaarswaardelys opgestel deur 'n onafhanklike jurie vir 'n kunsleksikon (23 volumes) deur die "Artist's Union of Russia", wat in 55 deelgebiede van Rusland en in 9 vreemde lande verteenwoordig is" (in Engels). Geargiveer vanaf die oorspronklike op 22 Junie 2018. Besoek op 22 Junie 2018 – via Wayback Machine.
- ↑ 3,0 3,1 VIDEO oor Dieter Aschenborn se kuns
- ↑ Biografie (Engels)
- ↑ Biografie (Duits)
- ↑ 6,0 6,1 6,2 Kloppers, Sas (2012) Directory of Namibian Artists pp. 62, Dream Africa Productions and Publishing, Geargiveer 3 Desember 2017 op Wayback Machine ISBN 978-0-620-51746-1