Uli Aschenborn

in Wikipedia, die vrye ensiklopedie
Spring na: navigasie, soek
Video 1): Uli Aschenborn met een van sy skilderye wat verander: 'Meisie-Olifant'
Video 2) 'Morfo-Skulptuur': ”Manlike Lewenssiklus”, Kinetiese Kuns, 2003, 40 x 40 x 40 cm
Video 3) Lewendige Tekening, Kinetiese Kuns, die oë van die getekende Ovahimba vrou draai altyd na die kyker
4) Ets wat op die kop gedraai kan word. Dit wys talle persone en gesigte by noukeurige bekyking, 2005, 12 x 12 cm
5) Kinetiese Kuns, Glassteen met vis, 2005, 21 x 21 x 21 cm
6) Krater of Berg, (dieselfde tekening op die kop gedraai) – vertoon in die Suermondt-Ludwig-Museum tydens die 'Winteruitstalling' in 1975
7) Buffel wat leeu bestorm, 2006, 80 x 100 cm
8) Pontokberge – Namibië, 2007, 100 x 150 cm
9) Renoster wat storm, Kinetiese Kuns (dit is dieselfde kunswerk van drie kante af bekyk – gedoen in die 'verkleurmannetjie-tegniek' van Uli Aschenborn), 2007, 100 x 100 x 4 cm
10) Leeu wat storm, Kinetiese Kuns (dit is dieselfde kunswerk van drie kante af bekyk – gedoen in die eie 'verkleurmannetjie-tegniek' van Uli Aschenborn net met sand en verf), 2007, 100 x 80 cm
11) Kinetiese Kuns, Dobbelsteen, wat een, twee of drie kolle wys – afhanklik, van waar 'n mens hierdie (enkel) skildery bekyk – gedoen in die 'verkleurmannetjie-tegniek' van Uli Aschenborn, 2007, 40 x 30 cm

Die kunstenaar Uli Aschenborn (volle naam: Hans Ulrich Aschenborn) is in 1947 in Johannesburg, Suid-Afrika gebore.[1] [2] Sy pa Dieter Aschenborn en sy oupa Hans Anton Aschenborn (of Hans Aschenborn) is bekende kunstenaars in Suider-Afrika.[3] [4] [5] Al drie Aschenborns behoort tot die grootste kunstenaars ter wêreld en hul kuns tot die wêrelderfenis volgens United Artists Rating.[6]

In 2018 het die kunstenaarsvereniging "L'Ensad Alumni Paris, l'Association des anciens élèves die l'Ecole nasionale supérieure des art decorates" in Parys Uli Aschenborn as erelid aanvaar.[7][8][9].

Uli is een van die bekendste kunstenaars van Namibië soos sy pa en oupa. Uli is veral bekend vir sy dinamiese diereskilderye en landskappe van Afrika (vergelyk foto's 7 tot 10 ). In Namibië vertoon die museums in Swakopmund en Windhoek en die Nasionale Kunsgalery van Namibië kunswerke van Uli.[2] [10][4]Uli, wat in Aken Duitsland lewe, begin ook alhoemeer bekend raak in Europa.[11][12][13][14][15] Daar is in Windhoek ook ’n Aschenbornstraat en 'n Hans Aschenborn Road in Mitchells Plein (Kaapstad). Uli geniet aansien as 'n restoureerder van Afrikaanse en Europese skilderye, en het ook 'n paar merkwaardige muurskilderye in Namibië gedoen (soos by Düsternbrook, Okapuka, die Cañon Lodge, Kings Den en meer). Hy het ook al verskeie hekke ontwerp. [16]

Uli Aschenborn se "Amazing Changing Art"[wysig | wysig bron]

Uli kyk terug op 'n suksesvolle loopbaan as kunstenaar en die feit dat hy talle nuwe, interessante tegnieke ontwikkel het om 'n verskeidenheid skilderye, beelde en voorwerpe te skep wat voor jou oë van voorkoms kan verander. Die media beskryf dié innovering as "Uli Aschenborn's Amazing Changing Art".[11][15][16][17] (sien video's [18][19] en video's 1 tot 3 asook al die foto's wat hier te sien is behalwe 7 en 8).

Uli se nuwe werk – wat 2006 in die Nasionale Kunsgalery van Namibië in Windhoek uitgestal was – bestaan onder meer uit sy innoverende beelde wat om 'n aslyn draai. Die silhoeët vertoon dus 'n verandering. 'n Sprekende voorbeeld hiervan is 'n roterende beeld in silhoeëtvorm wat die voortdurende verandering van 'n jong dame na 'n ou vrou uitbeeld, of 'n aap wat in 'n mens omskep word. Dit word selfs duideliker uitgebeeld wanneer hierdie sogenaamde 'Morfo-Skulpture' verlig word sodat die skaduwees op 'n muur val [20] (video's [18][19][21] en 2).

Tot Uli se nuwe werk behoort ook poli-aspek skilderye. Van hierdie werke roteer om 'n aslyn en kan van verskillende kante bekyk word. Elke kant beeld 'n verskillende tema uit (sien foto's 4 en 6). Sommige vertoon kleiner voorwerpe in verskillende lae uit wat soos 'n legkaart saamgestel is. Dit kan baie ingewikkeld wees, soos die been van 'n vrou wat terselfdertyd die voorkop van 'n man kan wees, of dalk die neus van iets anders, en so voorts[20] (vergelyk die twee foto's 4 van dieselfde kunswerk).

Nog 'n rits werke is helder tekeninge wat onder glasstene monteer is. Uit elke oogpunt verander die enkele beeld in iets heeltemal anders. Een daarvan is 'n vis wat lyk asof hy onder water swem. Afhangend van hoe dit gedraai word, lyk dié vis eers vriendelik, dan kwaad, dan skrik hy, op 'n stadium gaap hy selfs oopmond[20] (vergelyk die drie foto's 5 van dieselfde kunswerk).

Uli Aschenborn is ook 'n professor in rekenaargesteunde ontwerp, elektroniese dataverwerking, wiskunde en meganika (sien ook die uitstalling van 1993).[4][8][14][22]

Toekennings[wysig | wysig bron]

  • 1964 Wenner van die "Kunswedstryd Suidwes-Afrika"
  • 1978 Borchers-toekenning

Uitstallings[wysig | wysig bron]

Uli Aschenborn het meer as 60 uitstallings gehou sedert 2009.[23]

Solo uitstallings (seleksie)[wysig | wysig bron]

  • 1993 "Afrika & 'Komper-Kuns'" Galery Artelier Windhoek (Namibië)
  • 1999 "Afrika" Port Andrat’s (Mallorca)
  • 2003 "Morfo-Skulpture", Hexagone Galery in Aken (Duitsland)[21]
  • 2005 "Morphs" gelyktydig in die twee galerye FAH en HAF in Maastricht (Nederland)
  • 2006 "Morphs" Nasionale Kunsgalery van Namibië in Windhoek (Namibië)
  • 2007 "Aschenborn – Retrospektive Kendzia Galery", Windhoek (Namibië)
  • 2007 "Retrospektive" in die Hexagone Galery in Aken (Duitsland)
  • 2008 "Afrika" Kendzia Galery, Windhoek (Namibië)
  • 2009 "Out of Africa" - Uli Aschenborn – Malmedé Galery, Keulen (Duitsland)
  • 2009 "Afrika – Uli Aschenborn" - Artedomus, Parys (Frankryk)
  • 2010 "Diereskilderye" – Dieretuin Berlyn (Duitsland) [8]
  • 2010 "Afrika – Uli Aschenborn" - Artedomus, Parys (Frankryk) [8]
  • 2011 "Aschenborn's African Animals", BBK-Galery, Aken (Duitsland)
  • 2011 "Uli Aschenborn", Düsternbrook, Namibia[24]
  • 2011 - 2012 "Uli Aschenborn", Schenckswerder, Namibia[24]
  • 2012 "Chameleon Art", Hexagone Galery in Aken (Duitsland)
  • 2013 "Chameleon Art", Tierheim Aken (Duitsland)
  • 2015 "Changing Art", Art Hotel Superior Aken (Duitsland)[25]
  • 2017 "Amazing Changing Art", Barmuseo Suermondt-Ludwig-Museum Aken (Duitsland)[5]

Groepuitstallings (seleksie)[wysig | wysig bron]

Verwysings[wysig | wysig bron]

  1. Lex-art, Duitse ensiklopedie op die internet
  2. 2,0 2,1 Omvattende oorsig oor die kunswerke van die Aschenborns, publieke webwerf
  3. Namibiese Lewensbeskrywings
  4. 4,0 4,1 4,2 Hans-Ulrich Aschenborn, Lewensbeskrywings – Namibiana Buchdepot
  5. 5,0 5,1 Berig oor 100 jare kuns van die drie hierbo genoemde Aschenborns (Duitse Tydskrif "Allgemeine Zeitung", Oktober 2017)
  6. "Greatest world artists of XVIII–XXI centuries" - lys met die "Grootste kunstenaars ter wêreld van die 18. tot 21. eeu" deur die International Art Rating van die United Artists Rating
  7. Skakel van die "L'Ensad Alumni Paris, l'Association des anciens élèves de l'École nationale supérieure des arts décoratifs"
  8. 8,0 8,1 8,2 8,3 8,4 Duitse lewensbeskrywing, uitstallings (BBK - die grootste kunstenaarsvereniging in Duitsland)
  9. Engelse Lewensbeskrywing
  10. Aschenborns hou uitstalling, Namibiese tydskrif Republikein, 12.8.2004
  11. 11,0 11,1 "Namibian Artist Gets European Recognition" - Diplomacy Namibia, Premier International Affairs Website (bron: Frederick Philander, Namibiese tydskrif New Era, 21 Augustus 2009)
  12. Ein Leben für die Kunst ('n Lewe vir die kuns), Namibiese Duitse tydskrif Allgemeine Zeitung, 3.8.2007
  13. Veränderliche Kunst und mehr... (Veranderlike kuns en meer …), Tydskrif in Duitsland met sommige skilderye
  14. 14,0 14,1 Uli Aschenborn Stolberg, Kunstportal Eifel, Julie 2008
  15. 15,0 15,1 Wandelbar wie ein Chamäleon – Uli Aschenborn malt "bewegliche Bilder" (Veranderlik soos 'n verkleurmannetjie – Uli Aschenborn skilder kunswerke wat van self beweeg), Namibiese Duitse tydskrif Allgemeine Zeitung, 21.7.2006
  16. 16,0 16,1 Uli kyk terug op suksesvolle loopbaan, Oktober 2007, Namibiese tydskrif Republikein
  17. Uli se dinamiese werke in Kendzia uitgestal, 23.7.2009, Namibiese tydskrif Republikein met sommige van Uli Aschenborn se kunswerke
  18. 18,0 18,1 Video van 2012 oor sommige van Uli Aschenborn se werke wat verander (Kinetiese Kuns)
  19. 19,0 19,1 Video van 2015 oor sommige van Uli Aschenborn se werke wat verander (Kinetiese Kuns)
  20. 20,0 20,1 20,2 Uli Aschenborn stal uit, Namibiese tydskrif Republikein, 3 Augustus 2006
  21. 21,0 21,1 Video oor Uli Aschenborn se Morfo-Skulpture
  22. Invloed van Uli Aschenborn se tegniese loopbaan op sy kuns, Duitse Tydskrif "Allgemeine Zeitung", 26.8.2011
  23. Lys van meer as 60 uitstallings sedert 2009 met inligting en foto's.
  24. 24,0 24,1 Matthias Mockler: Uli Aschenborn hou permanente uitstallings op gasteplase in Namibia, 26.08.2011, oorspronklik: Allgemeine Zeitung – argiewe van die Namibiana Buchdepot
  25. Uli Aschenborn: Kuns uit Namibia, Galery Hexagone - Art Hotel Superior Aachen, 2015 – argiewe van die Namibiana Buchdepot

Boeke[wysig | wysig bron]