Hans Anton Aschenborn

in Wikipedia, die vrye ensiklopedie
Spring na: navigasie, soek
Kiel (Duitsland), waterverf, Leeu.
Hans Aschenborn.
Kiel (Duitsland), waterverf, Gemsbok.

Die kunstenaar en skrywer Hans Anton Aschenborn (1 Februarie 188810 April 1931) was bekend vir sy skilderye en illustrasies van diere in Suid-Afrika en Duitsland (sien ouer Duitse Thieme-Becker of Saur kunsensiklopedies, daar is ook ’n doktors tesis gedoen oor Hans Anton Aschenborns se grafiese werk in die bekende kultuurtydskrif 'Lantern' van 1965 - sien |1| onder).

Hy, Sangiro en Pierneef was vriende. Aschenborn het illustrasies gemaak vir Sangiro se 'Uit Oerwoud en Vlakte' en sy 'Sketse uit die Oos-Afrikaanse Dierewêreld'. Aschenborn se eie boeke soos 'Onduno und andere Tiergeschichten' en 'Satan und andere afrikanische Erzählungen' is in Afrikaans vertaal. In 1916 het hy die teks vir die lied "Heia Safari" geskryf.

Biografie[wysig | wysig bron]

Hy is in Kiel, Duitsland gebore as seun van die vise-admiraal Richard Aschenborn. Reeds seun het hy begeer om Suidwes-Afrika toe te kom en nadat hy die skool in Wittenhausen besoek het en ook 'n jaar op militêre skool was, het hy in 1909 na Duits-Suidwes verhuis, waar hy in 1912 die plaas "Quickborn" gekoop het. In 1913 het hy met Emma Bredow in die huwelik getree. Tydens die Eerste Wêreldoorlog het by die Kameeltruppe aangesluit. Die oorlog het hom geldelik geruïneer sodat hy verplig is om 1921 na die Unie van Suid-Afrika te verhuis waar hy 'n bestaan gevoer het deur te skryf en boeke te illustreer. Die jaar daarna het hy na Duitsland teruggaan. In 1925 het hy na Brits- (Kenia) en Duits-Oos-Afrika (Tanganjika)) gereis. Hy het in 1931 in Kiel gesterf.

Sy seun Dieter Aschenborn (15 November 191511 September 2002) en sy kleinseun Uli Aschenborn (6 September 1947) is al twee bekende diereskilders in Suider Afrika. Hulle kuns is in galerye, museums en openbare geboue in Namibië te vind.

Uitstallings (keuse)[wysig | wysig bron]

  • 1965 "3 Generasies Aschenborn" Windhoek (Namibië)
  • 1981 "Hans Anton Aschenborn Gedenktentoonstelling" - Kunsvereniging SWA/Namibië (nou Nasionale Kunsgalery van Namibië), Windhoek

Bronnelys en Verwysings[wysig | wysig bron]