Dil Na'od

in Wikipedia, die vrye ensiklopedie
Jump to navigation Jump to search

Dil Na'od was die laaste negus (koning) van die Koninkryk Aksum voor die stigting van die Zagwe-dinastie van Ethiopië. Hy het in óf die 9de óf die 10de eeu gelewe. Dil Na'od was die jongste seun van Ged'a Jan (of Degna Djan) en het sy ouer broer, 'Anbasa Wedem, as negus opgevolg.[1] Hulle was van die Salomoniese Dinastie. Volgens E.A. Wallis Budge was Dil Na'od se bewind "kort, miskien sowat 10 jaar".[2] Die skotse reisiger en skrywer James Bruce vertel egter van ’n ander tradisie, waarvolgens Dil Na'od ’n baba was toe koningin Gudit die prinse wat op Debre Damo gevange gehou is (sy familielede) uitgemoor het. Adellikes het hom toe uit die koninkryk geneem om sy lewe te red.[3]

Dil Na'od het na berig word op die Ethiopiese Hoogland suid van Aksum veldtogte gevoer en sendelinge na die streek gestuur. Hy het ook die kerk van Debre Igziabher help herbou.[4]

Volgens een tradisie is Dil Na'od deur Mara Takla Haymanot, ’n prins van die Lasta-provinsie, verslaan. Laasgenoemde het met Dil Na'od se dogter, Masaba Warq, getrou. Volgens tradisie is ’n seun van Dil Na'od na Amhara geneem waar hy versteek is totdat sy afstammelinge die Zagwe-dinastie omvergewerp en die Salomoniese Dinastie hervestig het.

Verwysings[wysig | wysig bron]

  1. Taddesse Tamrat, Church and State in Ethiopia (Oxford: Clarendon Press, 1972), p. 55 n.3.
  2. E.A. Walis Budge, A History of Ethiopia: Nubia and Abyssinia, 1928 (Oosterhout, Nederland: Anthropological Publications, 1970), p. 276.
  3. Bruce, Travels to Discover the Source of the Nile (1805), vol. 2 pp. 451–53
  4. Paul B. Henze, Layers of Time (New York: Palgrave, 2000), pp. 47f.

Skakels[wysig | wysig bron]

  • Michael, Belaynesh "Del-Nä’ad". Dictionary of African Christian Biography.  “Dié artikel is voorheen gepubliseer in B. Michael, S. Chojnacki en R. Pankhurst (reds.), The Dictionary of Ethiopian Biography, Vol. 1: From Early Times to the End of the Zagwé Dynasty c. 1270 A.D (Addis Abeba, 1975).”