Koninkryk Aksum

in Wikipedia, die vrye ensiklopedie
Jump to navigation Jump to search
Mangiśta Aksum
Koninkryk Aksum
100–960

Ligging of Aksum
Die Koninkryk Aksum op sy hoogste
Hoofstad Aksum
14°7′N 38°44′O / 14.117°N 38.733°O / 14.117; 38.733Koördinate: 14°7′N 38°44′O / 14.117°N 38.733°O / 14.117; 38.733
Taal/Tale Ge'ez
Godsdiens Arabiese politeïsme (voor-Aksumities tot 4de eeu)
Judaïsme (tot ca. 330)
Christendom (Ethiopies-Ortodokse Tewahedo Kerk; na ca. 330)
Regering Monargie
Negus
 - ca. 100 Za Haqala (eerste bekende)
 - ca. 940 Dil Na'od (laaste)
Historiese tydperk Oudheid, Middeleeue
 - Stigting 100
 - Verowering deur Gudit 960
Oppervlakte
 - 350[1] 1 250 000 km2
482 628 sq mi
Voorafgegaan deur
Opgevolg deur
Flag of None.svg Da'amot
Flag of None.svg Koninkryk Himjar
Medri Bahri Flag of None.svg
Zagwe-dinastie Flag of None.svg
Makuria Flag of None.svg
Alodia Flag of None.svg
Sassanidiese Ryk Derafsh Kaviani flag of the late Sassanid Empire.svg

Die Koninkryk Aksum (Ge'ez: Mangiśta Aksum) was 'n magtige antieke staat aan die Horing van Afrika. Die koninkryk het oor die hedendaagse lande Djiboeti, Eritrea, dele van Ethiopië (Tigray-streek), Soedan en Jemen gestrek. Die Koninkryk Aksum het in die 1ste eeu n.C. ontstaan en is in die 10de eeu deur Gudit, koningin van die Beta Israel, verower.

Die "Romeinse stele" of "Aksum-obelisk" in Aksum, Tigray-streek, Ethiopië
Tipiese Aksumitiese argitektuur: Die kerk van Debre Damo naby Aksum

Die hoofstad van die Koninkryk Aksum was Aksum in die noorde van Ethiopië en die amptelike taal was Ge'ez, 'n Semitiese taal. Die konings het na hulself verwys as "konings van die konings, konings van Aksum, Himjar, Rajdan, Saba, Salhen, Tsijamo, Beja en van Koesj".[2] Aksum het 'n belangrike rol gespel binne die handelsroete tussen die Romeinse Ryk en die antieke Indië. Die Manigeïse-profeet Mani (274 n.C. oorlede) het na Aksum as een van die vier groot magte van sy tyd verwys; die ander was Persië, Rome en China.

Die Koninkryk Aksum het sedert die 4de eeu na homself as "Ethiopië" verwys[3][4] en is later deur die Keiserryk van Ethiopië opgevolg. Volgens tradisies is die Koninkryk Aksum die beweerde rusplek van die Verbondsark en die tuiste van die koningin van Saba.[5]

Die Aksumite het 'n aantal monumentale stele opgerig, ten doeleinde van 'n voor-Christelike godsdienstige gebruik. Onder Ezana (ca. 320–360) is Aksum gekersten. In die 7de eeu het vroeë Moslems van Mekka in die koninkryk 'n skuiling voor Koeraïsje vervolging gesoek, 'n reis wat in die Islamitiese geskiedenis bekend staan as die eerste Hidjra.

Verwysings[wysig | wysig bron]

  1. (en) Turchin, Peter and Jonathan M. Adams and Thomas D. Hall: "East-West Orientation of Historical Empires and Modern States", bl. 222. Journal of World-Systems Research, Vol. XII, No. II, 2006
  2. (en) Dr. Stuart Munro-Hay, [1] Aksum: An African Civilisation of Late Antiquity. Chap. 11, Inscription DAE 8
  3. (en) Stuart Munro-Hay (1991). Aksum: An African Civilization of Late Antiquity (PDF). Edinburg: University Press. p. 57. Besoek op 1 Februarie 2013.
  4. (en) Paul B. Henze, Layers of Time: A History of Ethiopia, 2005.
  5. (en) Raffaele, Paul (Desember 2007). “Keepers of the Lost Ark?”. Smithsonian Magazine. Besoek op 5 April 2011.

Eksterne skakels[wysig | wysig bron]