Docodonta

in Wikipedia, die vrye ensiklopedie
Jump to navigation Jump to search
Docodonta
Voorstelling van Castorocauda, 'n akwatiese dokodont
Wetenskaplike klassifikasie
Koninkryk: Animalia
Filum: Chordata
Subfilum: Vertebrata
(klade): Amniota
Klas: Synapsida
(klade): Mammaliaformes
Orde: Docodonta
Kretzoi, 1946

Die Docodonta is 'n uitgestorwe groep diere wat vroeër as een van die primitiefste ordes van die ware soogdiere (Mammalia) beskou is, maar nou dikwels as 'n sustergroep daarvan gesien word. Die dokodonte en die ware soogdiere word dan saam as die Mammaliaformes gesien.

Die oudste fossiele van hierdie groep is uit die middel-jura. Die eerste fossiele is meer as 'n eeu gelede in die Morrison-formasie van Wyoming en Colorado aangetref, hulle stam uit die laat-jura en word saam met groot dinosourusse soos die Sauropoda aangetref. Die meeste fossiele van hierdie diere bestaan net uit tande, maar Haldanodon uit die Portugese laat-jura bestaan uit talle kake, party skedels en 'n skelet. Haldanodon was dalk 'n grawer. Uit die middel-jura van China is in 2006 'n skelet gevind van Castorocauda wat dalk 'n akwatiese lewenswyse gehad het.[1]

Verwysings[wysig | wysig bron]

  1. The Beginning of the Age of Mammals Kenneth D. Rose, JHU Press, 2009, ISBN 0-8018-9221-X, ISBN 978-0-8018-9221-9