Domkerk van Limburg
Jump to navigation
Jump to search
Die domkerk en die historiese stadskern van Limburg an der Lahn in 2014
Die Domkerk van Limburg, wat volgens sy beskermheilige Sint Joris ook Sint Joris-domkerk genoem word, dien as katedraalkerk van die Rooms-Katolieke bisdom Limburg in die Duitse deelstaat Hesse. Danksy sy ligging op 'n kalkrots, wat bo die historiese stadskern van Limburg an der Lahn troon, is die katedraal van ver af sigbaar. Die domkerk, wat tussen 1190 en 1235 ontstaan het, word as een van die mees volmaakte voorbeelde van laat-Romaanse boukuns beskou, alhoewel dit reeds vroeë Gotiese stylelemente toon.
