Douglas Engelbart

in Wikipedia, die vrye ensiklopedie
Jump to navigation Jump to search
Douglas Engelbart
Douglas Engelbart in 2008.jpg
Engelbart in Desember 2008
Gebore
Douglas Carl "Doug" Engelbart

30 Januarie 1925
Sterf2 Julie 2013
Atherton, Kalifornië
NasionaliteitVerenigde State van Amerika
Bekend virUitvinding van rekenaarmuis
EggenootBallard Engelbart

Douglas Carl "Doug" Engelbart (30 Januarie 19252 Julie 2013)[1] was 'n Amerikaanse uitvinder wat die rekenaarmuis in 1964 uitgevind het.[2]

Engelbart is op 30 Januarie 1925 in Portland, Oregon gebore.[3] Hy studeer in die 1950's elektriese ingenieurswese en rekenaarwetenskap aan die Oregon State University en die Universiteit van Kalifornië - Berkeley. Na sy studies sluit hy by die Stanford-navorsingsinstituut aan, waar hy aan verskeie konsepte werk, soos e-pos, videokonferensie en ARPANET (die voorloper van die Internet).

Eerste prototipe van die muis, deur William English, vanaf Engelbart se sketse ontwerp.

Hy sal die beste onthou word vir die rekenaarmuis, wat destyds 'n houtboksie met twee wiele aan was. In 1970 ontvang hy 'n patent vir sy uitvindsel. Die rekenaarmuis het egter eers 'n alledaagse artikel geword nadat die patent daarvan verval het.

Engelbart is in 2000 met die nasionale medalje vir tegnologie vereer.

Hy is op 2 Julie 2013 op die ouderdom van 88 aan nierversaking in Atherton, Kalifornië oorlede.[4]

Verwysings[wysig | wysig bron]

  1. "Douglas Engelbart, computer visionary and inventor of the mouse, dies at 88". Washington Post. Besoek op 3 Julie 2013.
  2. Hermida, Alfred (2001-11-05). "Mouse inventor strives for more". BBC News Online. Besoek op 2012-06-17.
  3. Crocker, Dave (2013-07-03). "Doug Engelbart". Besoek op 2013-07-03.
  4. "Doug Engelbart American inventor computing legend passes away". GigaOm. 2013-07-03. Besoek op 2013-07-03.

Eksterne skakels[wysig | wysig bron]