Dover, Engeland

Dover
Kaart	Wapen
	Vlag
Land	Verenigde Koninkryk
Land (VK)	Engeland
Graafskap	Kent
Koördinate	51°08′N 1°19′O
Oppervlakte:
- Totaal	8,61 vk km
Hoogte bo seevlak	0 m
Bevolking:
- Totaal (2001)	28 156
- Bevolkingsdigtheid	3 270/vk km
Tydsone	UTC ±0 (GMT)
- Somertyd	UTC +1 (BST)
Amptelike webwerf	dover.gov.uk

Dover is 'n hawestad aan die Engelse Kanaal in Engeland. Dit is ongeveer 122 km suidoos van Londen en is geleë in die graafskap Kent. Die hawe is een van die besigste aan die ooskus van Engeland en die dorp was vir eeue lank die fokus vir aanvalle deur buitelanders. Calais is ongeveer 33 km aan die oorkant van die Engelse Kanaal aan die Franse kus.

Gedurende die Eerste Wêreldoorlog was die hoofkwartier van die Dover-patrollie hier gesetel. Dit was hulle taak om die Straat van Dover te beveilig en oop te hou vir skepe.

Gedurende die Tweede Wêreldoorlog was Dover gereeld onderhewig aan artillerie aanvalle vanaf Calais. Tussen 13 Augustus 1940 en 30 September 1944, tot Calais beset was deur die Geallieerdes, het daar 2 226 projektiele in die dorp ontplof wat 1 200 geboue beskadig het.