Drosdyhek
Drostdy Arch in Somersetstraat en aan die bopunt van Hoogstraat in Grahamstad is die hoofingang tot die kampus van Rhodes-universiteit.
Die hek met sy hangende lantern, die waghuisies en die mure weerskante is in 1835 deur kapt. C.J. Selwyn van die Royal Engineers ontwerp, maar eers in 1841–42 voltooi. Dit is die enigste oorblyfsel van die ou drosdy wat aanvanklik agter die hek gestaan het. Later is die gebou en terrein gebruik as kaserne en paradeterrein en nog later as skool. Vanaf 1904 is die universiteit daar gevestig. In 1935 is die drosdy gesloop om plek te maar vir die universiteit se hoofgebou. Die waghuisies by die hek is nou winkeltjies wat plaaslike handwerk verkoop.
In die William Fehr-versameling is 'n tekening van die hek deur William M. Timlin.
Drostdy Arch is reeds in 1938 tot monument verklaar.
Bibliografie[wysig | wysig bron]
- Oberholster, J.J.: Die Historiese Monumente van Suid-Afrika. Kaapstad: Kultuurstigting Rembrandt van Rijn vir die Raad vir Nasionale Gedenkwaardighede, 1972. ISBN 0-620-00191-7