Eksokomeet

in Wikipedia, die vrye ensiklopedie
Jump to navigation Jump to search
Eksokomete en verskeie planeetformasies om Beta Pictoris, ’n baie jong tipe A V-ster. (Konsep: Nasa-kunstenaar)

’n Eksokomeet is ’n komeet wat buite ons Sonnestelsel voorkom – dit sluit in interstellêre komete en komete om ander sterre as die Son. Die eerste eksokomeet wat ontdek is, was in 1987 om Beta Pictoris, ’n baie jong tipe A V-ster.[1][2] Altesaam 10 sulke eksokomeetstelsels is sedertdien waargeneem.[1][3]

Sterrekundiges het die McDonald-sterrewag in Texas se teleskoop van 2,1 meter gebruik om die laaste ses eksokomeetstelsels waar te neem. Dowwe absorpsielyne het van nag tot nag verskil en daarop gedui dat dit veroorsaak word deur "groot wolke gas wat ontstaan wanneer komete nader aan hul ster beweeg en warmer word".[1][4] Al die stelsels wat onlangs ontdek is – "49 Ceti (HD 9672)", "5 Vulpeculae (HD 182919)", "2 Andromedae", "HD 21620", "HD 42111" en "HD 110411" – is om baie jong tipe A-sterre.[4]

Eksokomete word beskou as ’n belangrike skakel om planeetformasie te verstaan, volgens navorsers. Die sterrekundige Barry Welsh beskryf die skakel soos volg: "Interstellêre stof vorm klonte onder die invloed van swaartekrag, en die klonte word rotse; die rotse smelt saam en word groter goed – planetesimale en komete – en eindelik kry jy planete."[4]

’n Gaswolk om Ceti 49 word toegeskryf aan ’n botsing van komete in dié sonnestelsel.[5]

Sien ook[wysig | wysig bron]

Verwysings[wysig | wysig bron]

  1. 1,0 1,1 1,2 "'Exocomets' Common Across Milky Way Galaxy". Space.com. 7 Januarie 2013. Besoek op 8 Januarie 2013. 
  2. (1990) “The Beta Pictoris circumstellar disk. X – Numerical simulations of infalling evaporating bodies”. Astronomy and Astrophysics (ISSN 0004-6361) 236: 202-216.
  3. Sanders, Robert (7 Januarie 2013). "Exocomets may be as common as exoplanets". UC Berkley. Besoek op 30 Julie 2013. 
  4. 4,0 4,1 4,2 Sanders, Robert (7 Januarie 2013). "Exocomets may be as common as exoplanets". Universiteit van Kalifornië, Berkeley]]. Besoek op 8 Januarie 2013. 
  5. (2012) “A 40 Myr Old Gaseous Circumstellar Disk at 49 Ceti: Massive CO-Rich Comet Clouds at Young A-Type Stars”.

Eksterne skakels[wysig | wysig bron]