Enheduanna
Enheduanna (Sumeries: 𒂗𒃶𒌌𒀭𒈾, ook getranslitereer as Enheduana, En-hedu-ana, ensovoorts, was die hoëpriesteres van die maangod Nanna (Sīn) in die Sumeriese stad Ur tydens die bewind van haar vader, Sargon van Akkad (omstreeks 2334-2279 v.C.). Sy is waarskynlik deur haar vader aangestel as die leier van die godsdienstige kultus by Ur om bande te versterk tussen die Akkadiese godsdiens en die inheemse Sumeriese godsdiens.
.jpg)
Enheduanna word vereer as die eerste bekende skrywer in die wêreldgeskiedenis. Sy het vermoedelik verskeie werke in die Sumeriese letterkunde geskryf, onder meer die Verheerliking van Inanna, waarin sy in die eerste persoon skryf, en moontlik ander werke soos die Sumeriese Tempelgesange.
Daar word egter onder Assirioloë gedebatteer of sy werklik enige van dié werke geskryf het, gebaseer op linguistiese en argeologiese bewyse. Daarbenewens is die enigste werke waarvoor sy die eer kry, geskryf deur skribas van die Eerste Babiloniese Ryk, sowat ses eeue nadat sy gelewe het. Hulle is geskryf in 'n moderner weergawe van Sumeries as die een wat sy sou gepraat het. Die skribas het haar die eer vir die werke gegee as deel van die legandariese verhale van die dinastie van Sargon.
Die kultuurherinneringe aan Enheduanna en haar werke het kort ná die Eerste Babiloniese Ryk verlore gegaan. Haar bestaan is eers in 1927 deur moderne argeoloë herontdek toe uitgrawings by die antieke stad Ur gedoen en 'n skyf met haat naam ontdek is, asook haar verbintenis met Sargon. Verwysings na haar is ook later ontdek in Sumeriese letterkundige werke wat opgegrawe is – dit het gelei tot 'n ondersoek na haar moontlike outeurskap van die genoemde werke.
Verwysings[wysig | wysig bron]
- ↑ "CDLI-Archival View". cdli.ucla.edu.
- ↑ Winter, Irene (2009). On Art in the Ancient Near East Volume II: From the Third Millennium BCE (in Engels). BRILL. pp. 65–84. ISBN 978-90-474-2845-9.
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
