Erchanger

in Wikipedia, die vrye ensiklopedie
Jump to navigation Jump to search

Erchanger, ook Erchangar II († 21 Januarie 917 – moontlik in Aldingen by Spaichingen) in sy leeftyd onder andere 'n balju van die Frankiese koning, paltsgraaf in Swabe en (van 915 tot 917) Hertog van Swabe. Hy is waarskynlik 'n seun van die Swabiese paltsgraaf Berchthold I (ook Erchanger I genoem) (880/892) en 'n dogter van die Etichoonse Erchanger (die Jonger) († 864). Ander bronne verwys na Gisela van Oos-Franke (* 840; † 891), die dogter van koning Lodewyk II, as sy moeder. Hy is dus ook 'n lid van die familie van die Alaholfinger. Sy suster, Kunigunde se eerste huwelik was met markgraaf Luitpold van Karintië en haar tweede huwelik met Konrad I . Sy broer was Berchthold. Erchanger se vrou was Bertha († 966).

Erchanger was die koning se balju in Swabe. Tot in die jaar 911 ondersteun Erchanger en Biskop Salomo III van Konstanz mekaar weens hulle gemeenskaplike politieke belange. Naas Erchanger het ook Burchard I (en later sy seun, Burchard II) om die heerskappy oor Swabe gewedywer. Erchanger was wesentlik betrokke in die uitskakeling van Burchard I., wat in 911 van hoogverraad aangekla en ook tereggestel is. Nadat die Burchardyne hul mag verloor het, het Erchanger en sy broer, Berchthold, die mees invloedryke, hertoeë in Alemannie geword. In die jaar 913 het 'n rusie tussen Erchanger en koning Konrad I onstaan. As 'n gebaar van versoening het Erchanger sy suster, Kunigunde, wie se man Luitpold sopas oorlede is, as vrou aan Konrad I gegee. Die koning het weer op sy beurt vir Erchanger as sy verteenwoordiger in Swabe aangestel. Dit het hom weer die vyandskap van Biskop Salomo besorg. In die jaar 914 beveel Erchanger dat die biskop gevange geneem moes word. In reaksie daarop het koning Konrad vir Erchanger laat gevange neem en in ballingskap stuur. Biskop Salomo is dadelik vrygelaat.

Reeds 'n jaar later, in 915, keer Erchanger uit die ballingskap terug. In die dieselfde jaar, oorwin hy en Burchard II die Hongare namens die Beierse Hertog Arnulf tydens die veldslag op die Inn. Daarna sluit Erchanger en Burchard 'n bondgenootskap teen koning Konrad I en verslaan die koning in die slag van Wahlwies in die Hegau. Daarna word Erchanger as Hertog van Swabe aangestel.

As gevolg van sy misdrywe teen die koning en die Biskop is Erchanger in September, 916 deur die Sinode van Hohenaltheim gevonnis tot kloosterares. In die poging om 'n versoening met koning Konrad I te bewerkstellig, is hy en sy broer op pad na die koning in Januarie 917 in die opdrag van die koning tereggestel. Erchanger se landgoedere is gekonfiskeer, maar sy vrou, Bertha kon haar besittings behou.

Literatuur[wysig | wysig bron]