Europese Kristallografievereniging
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
| European Crystallographic Association | |
|---|---|
 | |
| Gestig: | 1997 |
| President: | Arie van der Lee |
| Ligging: | Zeist, Nederland |
| Webtuiste: | ecanews |
Die Europese Kristallografievereniging (ECA) is ‘n onafhanklike wetenskaporganisasie wat beide die nasionale kristallografiese verenigings in die Europa, sowel as individuele lede verteenwoordig. Die ECA is in 1997 gestig.[1] Dit het tans 36 nasionale lidlande en ‘n paar honderd individuele lede. Die ECA is een van die streeks-geaffilieerde groepe van die Internasionale Unie van Kristallografie. Die ander drie onafhanklike streeks-geaffilieerde groepe is die Amerikaanse Kristallografievereniging, die Asiatiese Kristallografievereniging en die Latyns-Amerikaanse Kristallografievereniging. Die ECA is onder Nederlandse wetgewing in Nijmege, Nederland geregistreer.
Die missie van die ECA is die bevordering van kristallografie en alle fasette daarvan, insluitend die verwante veld van nie-kristallografiese vastetoestand-wetenskap. Hierdie doelstellings word verwesenlik deur kristallografiese kongresse, werkswinkels en skole in beide Europa en Afrika.
Geskiedenis
[wysig | wysig bron]Die ECA is in 1997 tydens die 17de Europese Kristallogafiebyeenkoms (ECM 17) in Lissabon, Portugal gestig. Dit is die opvolgerliggaam van die Europese Kristallografiekomitee (ECC) wat sedert 1972 bestaan het, en wat alle voorafgaande ECMs gereël het.[2] Die vroeëre geskiedenis van die ECA tot en met ECM 20 in Krakau in 2001 is deur Claude Lecomte gepubliseer.[3] Die meer onlangse geskiedenis is in 2013 tydens ECM 28 in Warwick/Engeland opgesom. [4]
Organisasie
[wysig | wysig bron]Die beheerliggame van die ECA is die Raad en die Uitvoerende Komitee. Die Raad stel alle ECA beleidsdokumente saam en elke nasionale lidland word daarop verteenwoordig deur een Raadslid. Individuele lede kies een Raadslid vir elke 50 lede. Die Uitvoerende Komitee is verantwoordelik vir alle dag-tot-dag bestuur tussen Raadsvergaderings.
Spesiale Belangegroepe (SIGs) en Algemene belangegroepe (GIGs) verskaf ‘n platform vir wetenskaplikes wat ooreenstemmende wetenskapsbelange deel. Beide die SIGs en die GIGs dra aktief by tot die wetenskaplike program van die Europese Kristallografiebyeenkomste (ECMs).
Pryse
[wysig | wysig bron]Die ECA ken die Max Perutzprys[5] toe vir spesiale prestasies in enige veld van kristallografie, asook die Erwin Felix Lewy Bertautprys[6], in samewerking met die ‘European Neutron Scattering Association’ (ENSA). Die George M. Sheldrick-prys[7] word toegeken aan 'n nie-vaste navorser vir uitstaande wetenskaplike bydraes op die gebied van strukturele wetenskappe. Die Alajos Kálmán-prys[8] word saam met die Hongaarse Chemiese Vereniging toegeken aan 'n individuele navorser ter erkenning vir uitstaande wetenskaplike bydraes op die gebied van strukturele wetenskappe oor die afgelope 5-10 jaar. Die Lodovico Riva di Sanseverino-prys[9] word aan wetenskaplikes toegeken ter erkenning van noemenswaardige bydraes tot die verspreiding van kristallografie op alle vlakke van onderwys.
Eksterne Skakels
[wysig | wysig bron]Verwysings
[wysig | wysig bron]- ↑ [1] IUCr Newsletter, Volume 6, No. 4 (1998) 1067-0696; coden IUC-NEB
- ↑ [2] Acta Crystallographica - Foundations of Crystallography, Volume A66, pages 1-4 (2010)
- ↑ Lecomte, C. (2002). http://www.rigaku.com/downloads/journal/Vol19.1.2002/preface.pdf Geargiveer 24 September 2015 op Wayback Machine
- ↑ „ECA recent history: from Leuven to Rovinj and before“ Acta Crystallographica, Volume A69, page 260, (2013) (PDF-Datei)
- ↑ https://ecanews.org/max-perutz-prize/
- ↑ https://ecanews.org/erwin-felix-lewy-bertaut-prize/
- ↑ https://ecanews.org/prizes/george-m-sheldrick-prize/
- ↑ https://ecanews.org/alajos-kalman-prize/
- ↑ https://ecanews.org/prizes/lodovico-riva-di-sanseverino-prize/