Fiestas
Die Fiestas is 'n gala-geleentheid wat deur kykNET aangebied word waartydens Afrikaanse kunstenaars vir hul prestasies op die verhoog en agter die skerms vereer word. Melding word ook gemaak van Afrikaanse feeste wat 'n platform vir nuwe produksies bied.[1]
Die eerste Fiestas op 3 Februarie 2011 in die Kunstekaap-operahuis in Kaapstad aangebied. Altesaam 18 pryse is tydens die geleentheid uitgedeel. KykNET se kanaalhoof, Karen Meiring, het gesê dat teater en televisie nie in isolasie kan funksioneer nie, en dat dit belangrik is om erkenning te gee aan die ongelooflike werk wat in die Afrikaanse teater en vermaaklikheidsbedryf gelewer word.[2]
2011-Wenners[wysig | wysig bron]
Die volledige lys van wenners is:
- Beste opkomende kunstenaar: Moenier Adams vir sy vertolking in Afrikaaps (deur die Argitekbekke).
- Beste teaterontwerp: Marthinus Basson vir sy stelontwerp in As die broek pas.
- Beste Fiesta-aanbieder vir 2010: Bobby van Jaarsveld.
- Lewensbydrae tot die Afrikaanse woordkuns: Verna Vels.
- Beste spel in ’n solovertoning: Antoinette Kellermann vir haar vertolking in As die broek pas.
- Beste regie: Nicola Hanekom vir haar produksie Betésda.
- Beste prestasie in klassieke musiek: James Grace vir Around the World in 60 Minutes.
- Gewildste musiekgebeurtenis: Hatfield Karnaval.
- Lewensbydrae tot Suid-Afrikaanse musiek: Stefans Grové.
- Beste prestasie in 'n musiekgedrewe produksie: Afrikaaps.
- Beste byspeler: Theodore Jantjies vir sy vertolking in Vaselinetjie.
- Beste vrouebyspeler: Bettie Kemp vir haar vertolking in Dood van ’n verkoopsman.
- Lewensbydrae tot die Afrikaanse teater: Cobus Rossouw.
- Beste akteur: André Odendaal vir sy vertolking in Magspel.
- Beste aktrise: Antoinette Kellermann vir haar vertolking in As die broek pas.
- Gewildste kunstefees: US Woordfees.
- Beste nuutgeskepte Afrikaanse opvoering: Nicola Hanekom vir haar produksie Betésda.
- Beste aanbieding: As die broek pas (eenpersoon-stuk).[3]
Verwysings[wysig | wysig bron]
- ↑ ‘Fiestas’ vereer toneeltalent, Beeld, 27 Januarie 2011.
- ↑ kykNET deel eerste Fiestas uit Geargiveer 7 Februarie 2011 op Wayback Machine, Die Burger, 4 Februarie 2011.
- ↑ Eerste Fiestas was 'n makietie om te onthou[dooie skakel], Nuus24, 4 Februarie 2011.