Bobby van Jaarsveld
| Bobby van Jaarsveld | ||
|---|---|---|
| Geboortenaam | Bobby van Jaarsveld | |
| Geboorte | 6 Maart 1987 Witbank, Mpumalanga, Suid-Afrika |
|
| Beroep(e) | Musikant | |
| Aktiewe jare | 2001 - nou | |
| Uitgewer(s) | Jukebox-rekords, Blêr-musiek | |
| Webwerf | bobbyvanjaarsveld.co.za | |
 Musiekportaal |
||
Bobby (Bobbles) van Jaarsveld (6 Maart 1987, Paarl) is 'n Afrikaanse sanger en akteur. Van sy treffers sluit in: Spieëltjie en Waar is jy.
Van Jaarsveld speel 'n hoofrol in 'n Ster-Kinekor rolprent, Liefling, wat in 2010 vrygestel is.[1]
Sy suster Karlien van Jaarsveld is ook 'n sangeres in eie reg.
Inhoud
Biografie[wysig]
Pieter van Jaarsveld is op 6 Maart 1987 in die Paarl, Wes-Kaap, Suid-Afrika, gebore. Hy het die bynaam Bobby by sy pa gekry. Hy is die middelste van 3 kinders (sy susters is Karlien en Cara).
Bobby was in 7 verskillende laerskole, waarna hy sy hoërskoolloopbaan by die Hoërskool Brits begin en voltooi. Hier neem hy aan talentkompetisies deel en ontwikkel 'n liefde vir die musiekbedryf. Hy slaan sy eerste CD-kontrak in Graad 11 los, en sy eerste soloalbum word vroeg in sy matriekjaar uitgereik.
Hy is op 7 Januarie 2011 met sy skoolliefde, Annatjie Rheeders, in die eg verbind.
Toekennings[wysig]
Bobby het in 2006 die Huisgenoot Tempo-toekenning vir beste nuweling gewen.
In 2010 ontvang hy 'n SAMA-toekenning in die kategorie beste pop-album (Afrikaans) vir Net vir Jou.[2]
Hy is op 3 Februarie 2011 tydens kykNET se Fiestas vereer as 2010 se beste aanbieder van die TV-program Fiesta.
Diskografie[wysig]
- Liefling-klankbaan, 2010 Jukebox-rekords
- Genees hierdie land, saam met Tania Strauss, 2010
- Net vir jou, 2009 Jukebox-rekords
- Duisend ure, 2007
- Ken jy Talina?, Blêr-musiek
- Vat my saam, Blêr-musiek[3]
Filmografie[wysig]
- Liefling (rolprent), 2010
Sien ook[wysig]
Eksterne skakels[wysig]
Verwysings[wysig]
- ↑ Bobby van Jaarsveld - almal se liefling, Sarie, Augustus 2009
- ↑ Afrikaanse kunstenaars tops by Samas, Nuus24, besoek op 18 Maart 2010.
- ↑ Vetseun.co.za, besoek op 9 Desember 2010.
