Fla-Flu

in Wikipedia, die vrye ensiklopedie
Jump to navigation Jump to search
Ondersteuners van die twee spanne tydens Fla-Flu in die Maracanã-stadion.

Fla-Flu is die naam van die strafste derby in Brasilië: tussen Flamengo en Fluminense. Die twee sokkerklubs kom uit dieselfde distrik, Flamengo, in Rio de Janeiro.

Die mededinging[wysig | wysig bron]

Nog voor die spanne sokker teen mekaar gespeel het, was daar sterk mededinging tussen hulle. Flamengo, wat in 1895 gestig is as ’n roeiklub, het teen die sokkerspan Fluminense (gestig in 1902) meegeding om die aandag van die vroue in die distrik. Toe 'n paar spelers van Flu in 1911 stry kry met die klubbestuur, het hulle by Fla aangesluit en nog 'n sokkerspan gestig.

Die spanne speel hulle tuiswedstryde in dieselfde stadion: Estádio Olímpico João Havelange. Omdat die Fla-Flu so gewild is, word die wedstryd egter dikwels in die nasionale sokkerstadion van Brasilië gespeel: die Maracanã (die grootste sokkerstadion ter wêreld). Tydens die Fla-Flu van 1963 is 'n wêreldrekord opgestel met 177 656 betalende (altesaam sowat 195 000) toeskouers.

Die wedstryd[wysig | wysig bron]

Die eerste wedstryd tussen die spanne is in 1912 gespeel en met 3-2 deur Fluminense gewen (voor net 800 toeskouers). Flamengo het tot dusver die meeste Fla-Flu's asook 'n paar pryse meer gewen.

Die twee spanne is nie die bestes in Brasilië nie (Palmeiras en Santos het meer pryse gewen). Flamengo is wel die suksesvolste span van Rio de Janeiro, maar CR Vasco da Gama het meer nasionale titels as Fluminense. Tog sorg die geskiedenis van die twee spanne dat die Fla-Flu meer aandag kry as enige ander wedstryd of derby in Brasilië.