Florian Zeller

in Wikipedia, die vrye ensiklopedie
Florian Zeller
Zeller in 2021
Gebore28 Junie 1979 (1979-06-28) (44 jaar oud)
Parys, Frankryk
NasionaliteitFrans
BeroepRomansier, dramaturg, draaiboekskrywer en filmregisseur
EggenootMarine Delterme (trou 2010)
Kinders2

Florian Zeller (* 28 Junie 1979) is 'n Franse romansier, dramaturg, draaiboekskrywer en filmregisseur. Hy het die Prix Interallié gewen vir sy 2004 roman, The Fascination of Evil, asook verskeie pryse vir sy toneelstukke.[1][2] Sy eerste rolprent, The Father, met Anthony Hopkins en Olivia Colman, is gebaseer op sy gelyknamige toneelstuk (Le Père). Die rolprent het ses benoemings ontvang tydens die 93ste Oscar-toekenningsaand, insluitende Beste Rolprent. Zeller het die Oscar vir Beste Verwerkte Draaiboek saam met Christopher Hampton gewen. Die rolprent het ook vier benoemings ontvang tydens die 78ste Golden Globe-toekenningsaand, en ses benoemings by die 74ste Britse Akademie-toekenningsaand (ook bekend as die BAFTA's).

Biografie[wysig | wysig bron]

Zeller het sy eerste roman, getiteld Artificial Snow, geskryf toe hy twee-en-twintig was. Dit was egter sy derde roman, The Fascination of Evil, wat hom bekend gemaak het in Frankryk. Dit is gekies vir die Prix Goncourt.

Sy toneelstuk, Le Père (The Father), is opgevoer by Londen se West End-teater en het kritiese lof ontvang[3][4]. Dit het verskeie pryse en nominasies in Parys, Londen en New York ontvang.[5] Volgens The Times is The Father "een van die beste toneelstukke van die eeu".[6]

Zeller se komedie, The Truth, is in Junie 2017 by die West End opgevoer en het 'n Laurence Olivier-benoeming vir Beste Komedie ontvang.

Sy toneelstuk, The Height of the Storm, met Jonathan Pryce en Eileen Atkins, is in September 2018 by die West End opgevoer en in September 2019 by New York se Broadway.[7] Dit is al "die beste toneelstuk van 2018" genoem[8].

Sy toneelstuk, The Mother, met Isabelle Huppert, is in Februarie 2019 in New York opgevoer.[9]

Sy toneelstuk The Son is in Februarie 2019 in Londen opgevoer, en in September van dieselfde jaar by die West End, en is deur resensente geloof.

Toneelstukke[wysig | wysig bron]

  • 2004: L'Autre
  • 2005: Le Manège
  • 2006: Si tu mourais
  • 2008: Elle t'attend
  • 2010: The Mother (2015 in Londen, 2019 in New York)
  • 2011: The Truth (2017 in Londen)
  • 2012: Le Père (The Father) (2014 in Londen, 2016 in New York, verwerk vir die 2015 rolprent Floride en 2020 se The Father)
  • 2013: Une heure de tranquillité (verwerk vir die 2014 rolprent Do Not Disturb)
  • 2014: The Lie (2017 in Londen)
  • 2016: L'Envers du décor (verwerk vir die 2018 rolprent The Other Woman)
  • 2016: The Height of the Storm (2018 in Londen)
  • 2018: Le Fils (The Son) (2019 in Londen, verwerk vir die 2022 rolprent The Son)
  • 2021: The Forest (2021 in Londen)

Filmografie[wysig | wysig bron]

  • 2008: Castle in Sweden (skrywer)
  • 2014: Do Not Disturb (skrywer)
  • 2018: The Other Woman (skrywer)
  • 2020: The Father (skrywer en mederegisseur)
  • 2022: The Son (skrywer en regisseur)

Romans[wysig | wysig bron]

  • 2002: Artificial Snow
  • 2003: Lovers or Something Like It
  • 2004: The Fascination of Evil
  • 2006: Julien Parme
  • 2012: La Jouissance

Verwysings[wysig | wysig bron]

  1. ↑ Treneman, Ann (27 Februarie 2019). "Review: The Son at Kiln Theatre, NW6". The Times.
  2. ↑ "Olivier awards 2016: Judi Dench and Rufus Norris deserve their statuettes". the Guardian (in Engels). 4 April 2016. Besoek op 28 Maart 2021.
  3. ↑ "The Father, au théâtre de londres le Wyndham's Theatre !" [The Father, at the London Theater Wyndham's Theater!]. www.florian-zeller.hautetfort.com (in Frans). 1 Julie 2015. Geargiveer vanaf die oorspronklike op 17 Oktober 2018. Besoek op 15 Februarie 2019.
  4. ↑ "The best of the decade". www.thetimes.co.uk (in Engels). Besoek op 28 Maart 2021.
  5. ↑ "The Father - Stage Door". www.stage-door.com. 14 Februarie 2019. Geargiveer vanaf die oorspronklike op 16 Februarie 2019. Besoek op 15 Februarie 2019.
  6. ↑ "The 25 best plays of the century".
  7. ↑ Aridi, Sara (6 Februarie 2019). "'The Height of the Storm' Is Heading to Broadway". The New York Times.
  8. ↑ Billington, Michael (17 Desember 2018). "Top 10 theatre shows of 2018". The Guardian.
  9. ↑ Fujishima, Kenji (14 Februarie 2019). "Florian Zeller's The Mother, Starring Isabelle Huppert, Extends". TheaterMania.com.

Eksterne skakels[wysig | wysig bron]

Ontsluit van "https://af.wikipedia.org/w/index.php?title=Florian_Zeller&oldid=2615756"