Anthony Hopkins

in Wikipedia, die vrye ensiklopedie
Sir Anthony Hopkins
'n Beeld van die betrokke persoonlikheid.
Hopkins in 2010 by die Toronto-rolprentfees.

Geboortenaam Philip Anthony Hopkins
Geboorte 31 Desember 1937 (1937-12-31) (86 jaar oud)
Aktiewe jare 1960-tans

Sir Philip Anthony Hopkins, CBE (gebore op 31 Desember 1937), is ’n Walliese akteur, komponis en skilder.[1]

Loopbaan[wysig | wysig bron]

In 1993 saam met Isabella Rossellini op die stel van The Innocent.

Na sy studie in musiek en drama in die middel 1950's het hy aan die Royal Academy of Dramatic Art in Londen studeer, waar hy deur Laurence Olivier raakgesien is. Olivier het hom genooi om by die Royal National Theatre aan te sluit. In 1968 het hy sy deurbraakrol in The Lion in Winter gekry as Richard I van Engeland.

Hopkins word beskou as een van die grootste lewende akteurs.[2][3][4] Hy is veral bekend vir sy vertolking van Hannibal Lecter in The Silence of the Lambs, waarvoor hy ’n Oscar vir beste akteur gewen het, asook die opvolg, Hannibal, en die voorvolg, Red Dragon.

Ander noemenswaardige rolle sluit in Magic (1978), The Elephant Man (1980), The Bounty (1984), 84 Charing Cross Road (1987), Bram Stoker's Dracula (1992), The Remains of the Day (1993), The Innocent (1993), Legends of the Fall (1994), Nixon (1995), Amistad (1997), The Mask of Zorro (1998), Meet Joe Black (1998), Instinct (1999), The World's Fastest Indian (2005), Fracture (2007) en Thor (2011).

Benewens sy Oscar het Hopkins drie Baftas, twee Emmys en die Golden Globes se Cecil B. DeMille-prys gewen. In 1993 is hy tot ridder geslaan vir sy diens aan die kunste.[5] Hy het ook in 2003 ’n ster op die Hollywood Walk of Fame gekry en het in 2008 ’n Bafta-fellow geword.[6][7]

Hopkins het in 2021 sy vierde Bafta vir beste akteur in 'n hoofrol en 'n tweede Oscar vir beste akteur in 'n hoofrol vir die 2020-film The Father gewen. Hy het hiermee die oudste wenner van 'n Oscar tot op datum geword.[8]

Verwysings[wysig | wysig bron]

  1. Crace, John (23 Januarie 2012). "Anthony Hopkins: 'I've never really been close to anyone'". The Guardian. Besoek op 23 Januarie 2015..
  2. "Hopkins 'greatest British actor'" (in Engels). Londen: BBC. 16 Augustus 2005. Geargiveer vanaf die oorspronklike op 15 Januarie 2009. Besoek op 29 Oktober 2008.
  3. "Anthony Hopkins Biography". Tiscali.co.uk. 29 Oktober 2008. Besoek op 29 Oktober 2008.
  4. "Anthony Hopkins". The Guardian (in Engels). VK. Geargiveer vanaf die oorspronklike op 4 Oktober 2013. Besoek op 29 Oktober 2008.
  5. Sir Anthony Hopkins portrait The Daily Telegraph. Besoek op 6 Januarie 2011.
  6. Happy birthday Sir Anthony Hopkins The Daily Telegraph (Australië). Besoek op 5 Februarie 2011
  7. Bafta Film Awards 2008: The winners BBC News (10 Februarie 2008)
  8. Verhoeven, Beatrice (15 Maart 2021). "Anthony Hopkins Becomes Oldest Best Actor Nominee at Oscars". The Wrap. Besoek op 15 Maart 2021.

Eksterne skakels[wysig | wysig bron]