Fokker Dr.I

in Wikipedia, die vrye ensiklopedie
Jump to navigation Jump to search
Fokker Dr.I
Fokker DR1 at Airpower11 18.jpg
Dr.I herproduksie by Airpower 11 lugskou
Tipe Trippeldekker vegvliegtuig
Vervaardiger Fokker
Ontwerp deur Reinhold Platz
Nooiensvlug 5 Junie 1917
Aantal gebou 320

Die Fokker Dr.I was 'n driedekker, enkelsitplek vegvliegtuig wat deur die Duitse Lugmag gebruik is tydens die Eerste Wêreldoorlog. Die vliegtuig het bekend geraak omrede die Rooi Baron Manfred von Richthofen dit gebruik het. Die vliegtuig was ontwikkel in antwoord op die Britse Sopwith Driedekker. Die afkorting Dr is kort vir Dreidecker.

Ontwikkeling[wysig | wysig bron]

Die Fokker Dr.I was gedruk vir produksie in 1917 na sy nooiensvlug op 15 Junie en het die front bereik in Oktober van dieselfde jaar. Die vliegtuig was uiters beweeglik en rats, maar nie so vinnig nie as gevolg van die drie vlerke se verhoogde lugweerstand. Baie van Duitsland se bobaasvlieëniers het die vliegtuig gebruik. Luitenant Werner Voss het tien oorwinnings behaal tussen 3 en 23 September 1917. Hy sterf egter in 'n luggeveg teen 'n Royal Aircraft Factory S.E.5a.

Produksiemodelle het Manfred von Richthofen se Jagdgeschwader (Vegeskader) in Oktober bereik maar was onmiddellik uit diens onttrek na 'n paar noodlottige ongelukke. Ondersoek is ingestel, wat foute in die vlerkkonstruksie aan die dag gelê het. Nadat dit egter reggestel is, was die Fokker Dr.I teen die einde van November terug in aksie. Vervaardiging is in Mei 1918 gestaak en alle Fokker Dr.Is is uit diens onttrek. Die vliegtuig was op daardie stadium as ondiensbaar beskou.

Luitenant Carl Jacobs het die meeste sukses behaal in dié vliegtuig, naamlik 41 oorwinnings.

Tegniese besonderhede[wysig | wysig bron]

Besonderhede van die Fokker Dr.I Trippeldekker:
Item Statistiek
Aantal motore 1
Tipe motor Skroef
Vervaardiger Oberursel Ur.II 9-silinder stermotor.
Kraglewering per motor Onbekend
Vlerkspan 7,2 m
Lengte 5,77 m
Hoogte 2,95 m
Vlerkoppervlakte 18,7 m2
Maks. opstygmassa 585 kg
Maksimum snelheid 165 km/h
Operasionele hoogte 6 095 m
Togafstand 1,5 uur
Klimvermoë 1 000 m in 2 minute 54 sekondes
Bewapening Twee 7,92 mm masjiengewere

Sien ook[wysig | wysig bron]

Bron[wysig | wysig bron]