Fokker Eindecker

in Wikipedia, die vrye ensiklopedie
Spring na: navigasie, soek
Fokker Eindecker
Fokker EIII 210-16.jpg
Oorgeneemde Fokker E.III 210/16 in vlug te Upavon, Wiltshire in 1916.
Tipe Monovlerkvegvliegtuig
Vervaardiger Fokker
Ontwerp deur Martin Kreutzer
Nooiensvlug 23 Mei 1915
Aantal gebou 416

Die Fokker Eindecker was 'n reeks van vegvliegtuie wat deur Duitsland gebruik is tydens die Eerste Wêreldoorlog. Die vliegtuig was 'n enkelsitplek, enkelmotor, monovlerkvliegtuig wat ontwikkel is uit die vooroorlogse Fokker M.5. Soos die M.5 het dit nie oor rolroere beskik nie maar vlerkbuig tegnologie gebruik om te rol. Dit was die eerste vliegtuig wat toegerus was met 'n gesinchroniseerde vuurmeganisme, wat toegelaat het dat die masjiengeweer deur die skroef kon vuur. Hierdie meganisme het aan die vliegtuig 'n groot voordeel verleen en van vele oorwinnings verseker. Dit het op 1 Augustus 1915 begin toe Max Immelmann sy eerste, asook die Eindecker se eerste oorwinning behaal het. Die feit dat die vlieënier kon vuur op sy lyn van vlug het aan hulle 'n groot voordeel gegee. Dit het aan die Duitsers 'n tydperk van beheer oor die lugruim op die Wes-front verseker en het 'n tydperk begin wat die Fokker Scrourge genoem is.

Bobaasvlieëniers soos Immelmann en Oswald Boelcke het 'n gros oorwinnings behaal met die Eindecker wat van hulle nasionale helde gemaak het. Tog het die Eindecker nie sy volle potensiaal bereik nie, deels omrede die Duitsers bang was dat een in die hande van die Geallieerdes kan val en hulle dus die sinchronisasie tegnologie kan namaak en tweedens omrede produksie probleme veroorsaak het dat daar nooit meer as 100 in diens was nie.

Tegniese besonderhede[wysig | wysig bron]

Besonderhede van die Fokker Eindecker:
Item Statistiek
Aantal motore 1
Tipe motor Skroef
Vervaardiger Oberursel U.I 9-silinder motor.
Kraglewering per motor 100 perdekrag
Vlerkspan 9,5 m
Lengte 7.2 m
Hoogte 2,4 m
Vlerkoppervlakte 16,0 m2
Maks. opstygmassa 610 kg
Maksimum snelheid 140 km/h
Operasionele hoogte 3 500 m
Togafstand 1,5 uur
Klimvermoë 3 000 m in 30 minute
Bewapening Een gesinchroniseerde 7,92 mm masjiengeweer

Sien ook[wysig | wysig bron]

Bron[wysig | wysig bron]