Fontanka

in Wikipedia, die vrye ensiklopedie
Jump to navigation Jump to search
Fontanka (Фонтанка)
Uitsig op die Fontanka vanaf die Panteleimon-brug.
Uitsig op die Fontanka vanaf die Panteleimon-brug.
Monding Groot-Newarivier in die Golf van Finland
Stroomgebied Sint Petersburg, Rusland
Lengte 6,7 km

Fontanka (Russies: Фонтанка) is ’n sytak van die Newarivier wat deur die hele Sentrale Sint Petersburg in Rusland loop. Dit is 6 700 m lank, tot 70 m breed en tot 3,5 m diep. Eertydse wonings van die Russiese adel staan ingeryg op die Fontanka-oewer.

Die rivier, een van 93 riviere en kanale in Sint Petersburg, was eens bekend as die "Naamlose Spruit" (Безымянный ерик). Dit het in 1719 sy huidige naam gekry omdat die rivier water verskaf vir die fonteine van die Somertuin.

Tot in die middel van die 18de eeu is die Fontanka beskou as die suidelike grens van Sint Petersburg. Die adel het hul huise en paleise op die oewer gebou – die grootste hiervan is die Somer- en Anitsjkof-paleis. In 1780–1789 is die oewers met sement uitgepleister.

Van die Barok-wonings aan die ower is die Sjeremetjef-, Beloselski-Belozerski- en Sjoewalof-paleis en die Kerk van Sint Panteleimon. Die Neoklassieke strukture uit die 18de eeu sluit in die Katharina-instituut en die Joesoepof-paleis. Van die huise bevat vandag museums van die skrywers en komponiste wat daar gewoon het, soos Aleksander Poesjkin, Anna Achmatowa en ander.

Daar loop 15 brûe oor die Fontanka, onder meer die 18de-eeuse Lomonosof en die uitspattige Egiptiese Brug. Nefski-prospekt loop oor die bekendste van die brûe, die Anitsjkof-brug.

Панорама набережной Фонтанки.jpg

Verwysings[wysig | wysig bron]

  • Канн П. Я. Прогулки по Петербургу: Вдоль Мойки, Фонтанки, Садовой. Sint Petersburg, 1994 (ru)
  • Wikimedia Commons logo Wikimedia Commons het meer media in die kategorie Fontanka.
  • Crystal txt.png Hierdie artikel is vertaal uit die Engelse Wikipedia

Koördinate: 59°54′58″N 30°15′48″O / 59.91611°N 30.26333°O / 59.91611; 30.26333