Ford Focus RS WRC

in Wikipedia, die vrye ensiklopedie
Jump to navigation Jump to search
Ford Focus RS WRC
Neste Oil Rally 2010 - Jari-Matti Latvala in shakedown.jpg
Jari-Matti Latvala bestuur die Ford Focus RS WRC.
Oorsig
Kategorie Wêreldtydrenmotor
Vervaardiger Ford/M-Sport
Tegniese spesifikasies
Onderstel Versterkte bakwerk met 'n gesweisde veelpuntrolhok volgens FIA-standaard
Suspensie (voor) MacPhersonstutte met ZF Friedrichshafen skokbrekers
Suspensie (agter) MacPhersonstutte met ZF Friedrichshafen skokbrekers
Lengte 3963 mm
Breedte 1820 mm
Spoorbreedte 1610 mm
Asafstand 2480 mm
Enjin Ford 1998cc Pipo-geboude Duratec WRC 2.0 L dwarsgemonteerde I4 16-klepper turbo met traagheidsweerder
en 'n 34 mm inlaatbeperking
Transmissie Aangepasde Ford 6-gang sekwensiële handratkas
Kompetisiegeskiedenis
Span Vlag van Verenigde Koninkryk Ford Motorsport
Renjaers Vlag van Finland Jari-Matti Latvala

Die Ford Focus RS WRC is die wêreldtydrenmotor wat vir die Ford Wêreldtydrenspan gebou is deur Ford en M-Sport vir gebruik in die wêreldtydrenkampioenskapsreeks. Dit is gebaseer op die Ford Focus Climate 2-liter produksieluikrug.

Die RS staan vir Rallye Sport en die WRC vir Wêreldtydrenkampioenskapsmotor, 'n motor gebou volgens FIA se spesifikasies. Die Focus RS WRC het van 1999–2010 aan die kampioenskap deelgeneem, en het altesaam 44 wêreldtydrenne gewen, asook twee vervaardigerstitels (2006 en 2007). Dit is vervang deur die Ford Fiesta RS WRC.

Soos alle kontemporêre wêreldtydrenmotors, is die motor swaar aangepas uit die produksieweergawe; dit deel net die basiese bakvorm. Die motor het vierwielaandrywing – eerder as voorwielaandrywing soos die padmotor. Die enjin wat in die 2007-Focus WRC gebruik was, is gebaseer op Ford se 2.0 liter Duratec van ander modelle in die Focus-reeks, aangesien sportreëls nie toelaat dat die standaard 2.5 liter-enjin van die Focus ST of padmodel RS gebruik word nie.

Soos met die meeste tydrenmotors, is die 2.0 liter-enjin hoogsgemodifiseer om sy prestasie te verbeter met behulp van o.a. 'n turboaanjaer. Die 2009 Ford Focus RS WRC gebruik 'n Ford 1998cc Pipo-geboude inlynviersilinder Duratec WRC enjin (vier silinders, 16 kleppe, met 'n boorwydte van 85 mm en 'n slag van 88 mm), Pi elektroniese enjinbeheerstelsel, Garrett turboaanjaer (met 'n verpligte 34 mm inlaatbeperking), lugtussenverkoeler, en 'n katalitiese omskakelaar.

Galery[wysig | wysig bron]