Inlynviersilinder

in Wikipedia, die vrye ensiklopedie
Spring na: navigasie, soek
Ford inlynviersilinderenjin met die silinderkop verwyder
Renault-Nissan M9R 2.0L inlynvier DOHC "Common rail" dieselenjin
Vuurorde van 'n inlynviersilinderenjin

Die inlynviersilinderenjin of reguit-vier-enjin is 'n tipe binnebrandviersilinderenjin met al vier silinders in 'n reguit lyn gemonteer, of in 'n gelyke vlak bo/langs die krukas. Die enkelbank silinders kan gerig word in óf 'n vertikale of 'n skuinsvlak met al die suiers wat 'n gemeenskaplike krukas aandryf. Waar dit skuins teen 'n hoek geplaas is, word dit soms 'n skuinsvier genoem. In 'n spesifikasie, grafiek of wanneer 'n afkorting gebruik word, word 'n inlynviersilinder enjin gelys óf as I4 of L4.

Die inlynvier uitleg is in perfekte primêre balans en verleen 'n mate van meganiese eenvoud wat dit gewild maak by ekonomiese motors. Maar, ten spyte van sy eenvoud, ly dit aan 'n sekondêre wanbalans wat klein vibrasies in kleiner enjins veroorsaak. Hierdie vibrasies word kragtiger soos enjingrootte en kraglewering verhoog, sodat die meer kragtige enjins wat in groter motors gebruik word, algemeen meer komplekse ontwerpe met meer as vier silinders het.

Sien ook[wysig | wysig bron]