Frederik I van Lotaringe

in Wikipedia, die vrye ensiklopedie
Nota: Moet nie verwar word met Frederik I, Graaf van Lotaringe of Frederik van Lotaringe nie

Frederik I van Lotaringe (omstreeks 912 – 18 Mei 978) was Graaf van onderskeidelik Bar ('n keurvorstedom van die Heilige Romeinse Ryk) en Bo-Lotaringe. Hy was die seun van Wigerik, paltsgraaf van Lotaringe, stamvader van die Huis Ardenne,[1] en derhalwe 'n afstammeling in die 6de generasie van Karel die Grote.

In 954 is hy getroud met Beatrix, dogter van Hugo die Grote, hertog van Parys, en Hedwig van Sake.[2] As bruidskat ontvang hy die inkomste van die Abdy van Saint-Denis in Lotaringe. Ten einde invalle uit die graafskap van Champagne stop te sit, bou Frederik in 960 'n kasteel oor die Ornain-rivier. Later beset hy die gekonfiskeerde gebiede van Saint-Mihiel.[3] Hy het ook landgoedere uitgeruil met die biskop van Toul. Sodoende het hy sy eie feodale gebied gestig wat bekend gestaan het as die graafskap van Bar. Hy het op die wyse die stigter van die Huis Ardennes–Bar geword.

Die graafskap van Lotaringe is op daardie stadium regeer deur die aartsbiskop van Keulen, Bruno I, wat as gevolg van die tweesydige aard van sy titel "aartshertog" genoem is. In 959 het Bruno I in samewerking met sy broer, Keiser Otto die Grote, die graafskap verdeel. Hulle het vir Godfried en Frederik as onderskeidelik markgraaf van Benede-Lotaringe en Bo-Lotaringe aangestel. Na Bruno I se dood in 977 het Godfried en Frederik hulself gestileer as Hertog.

As hertog was Frederik verantwoordelik vir die hervorming van Saint-Dié en Moyenmoutier.[4]

Familie[wysig | wysig bron]

Frederik se kinders was:

Verwysings[wysig | wysig bron]

  1. Nash 2017, p. xxvi.
  2. Wickham 2009, p. 450.
  3. Evergates 1995, p. 96.
  4. Reuter 1992, p. 49.
  5. Leyser 1994, p. 166.

Bronne[wysig | wysig bron]

  • Evergates, Theodore (1995). "Bar-le-Duc". Medieval France: An Encyclopedia. Garland Publishing, Inc.. 
  • Leyser, Karl (1994). Reuter, Timothy (red.). Communications and Power in Medieval Europe. The Hambledon Press.
  • Nash, Penelope (2017). Empress Adelheid and Countess Matilda: Medieval Female Rulership and the Foundations of European Society. Palgrave Macmillan.
  • Reuter, Timothy, red. (1992). Warriors and Churchmen in the High Middle Ages: Essays Presented to Karl Leyser. The Hambledon Press.
  • Wickham, Chris (2009). The Inheritance of Rome. Viking Penguin.
Voorafgegaan deur
geen
Blason Lorraine.svg
Hertog van Bo-Lotaringe

942–978
Opgevolg deur
Diederik I