Friederich Wilhelm Jannasch
Friederich Wilhelm Jannasch | |
|---|---|
| Gebore | 1853 Mamre naby Malmesbury, Kaapkolonie |
| Oorsprong | Suid-Afrika |
| Sterf | 19 April 1930 |
| Beroep(e) | Komponis |
| Assosiasies | Edvard Grieg |
Prof. Friederich Wilhelm Jannasch (1853–1930) was 'n Suid-Afrikaanse musikus en komponis. Hy is in 1853 op Mamre naby Malmesbury gebore. Sy ouers was sendelinge. Hy toon vroeg talent en word na Duitsland en daarvandaan na die Konserwatorium in Stockholm gestuur waar hy onder die bekende Noorweegse komponis Edvard Grieg studeer. Na sy terugkeer na die Kaap word hy aangestel as orrelis in die Nederduitse Gereformeerde Kerk op Stellenbosch en word 'n suksesvolle komponis. Sy grootste prestasie was op die gebied van musiekonderwys wat in 1905 die hoogtepunt bereik het in die stigting van die eerste konserwatorium vir musiek in Suid-Afrika op Stellenbosch. Hy is op 19 April 1930 oorlede.
Bronne
[wysig | wysig bron]- Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.
