Gastehuis
'n Gastehuis is 'n vorm van betaalde losies of verblyf. In sommige dele van die wêreld is 'n gastehuis soortgelyk aan 'n koshuis, bed en ontbyt, of herberg, terwyl in ander dele (soos byvoorbeeld die Karibiese eilande), gastehuise 'n tipe goedkoop hotelverblyf is. Verder kan dit 'n private woning wees wat omskep is vir eksklusiewe gebruik as gaste-akkommodasie. Die eienaar woon gewoonlik in 'n aparte deel van die eiendom, en die gastehuis funksioneer as 'n verblyfbesigheid.
Hierdie tipe akkommodasie bied groot voordele soos:
- Persoonlike aandag
- Gesonde en tuisgemaakte kos
- Rustige atmosfeer
- Bekostigbaarheid
- Moderne ontwerp
Oorsig
[wysig | wysig bron]In sommige gebiede van die wêreld, is gastehuise die enigste soort akkommodasie wat beskikbaar is vir besoekers wie nie familie het om by te bly nie. Van die kenmerke wat 'n gastehuis onderskei van 'n hotel of herberg is die gebrek aan voltydse personeel.
Bed en ontbyt en gastehuise in Engeland is in familiebesit, en al die familielede woon op die perseel, maar is gewoonlik nie saans beskikbaar nie. Hotelle hou 'n personeelteenwoordigheid in stand vir 24 uur per dag en 7 dae per week, terwyl 'n gastehuis 'n beperkte personeelteenwoordigheid bied. As gevolg hiervan is aanmelding by 'n gastehuis dikwels slegs op afspraak. 'n Herberg het gewoonlik ook 'n restaurant verbonde daaraan.
Indië het 'n geweldige groei in die gastehuisbesigheid ondervind, veral in Delhi waar vordering in die IT-sektor en die Statebondspele in 2010 twee van die mees invloedryke faktore was. Deesdae het die gastehuissektor soveel verbeter, dat selfs 'n woonhuis wat omskep is in 'n gastehuis, 3 ster-fasiliteite aan sy gaste kan bied.
Verwysings
[wysig | wysig bron]| Hierdie artikel is in sy geheel of gedeeltelik vanuit die Engelse Wikipedia vertaal. |
