Gebruiker:JMK

in Wikipedia, die vrye ensiklopedie
Spring na: navigasie, soek
Die Stour in Kantelberg

Na my aansluiting by wikipedia, vroeg 2006, was ek meestal by die Engelse weergawe betrokke, maar later ook by Commons, Afrikaans, wikispecies, wikiquote en wikisource. By Afrikaans is ek hoofsaaklik betrokke by vertaalde bydraes en in enkele gevalle oorspronklike artikels.

Stand van Afrikaanse wiki[wysig | wysig bron]

Vanaf mid 2008 tot laat 2010 het die Afrikaanse wikipedia heelwat vordering getoon, met veral die voorblad wat verbeter is en daarna steeds goed onderhou word. Speltoetsing en sjablone het dikwels ontbreek, en bly in 2016 steeds 'n uitdaging. Wikipedia was jare lank nie besonder bekend onder Afrikaanssprekendes nie, en in 2016 bly die bydraers 'n geringe persentasie van die sprekertal (2 persone / miljoen).[1][2] Aansienlike bydraes is, en word steeds deur anderstaliges gemaak. Die aktiewe deelnemertal het einde 2011 gestyg tot sowat 170, teenoor 150 voorheen, maar het dan tot 2016 rondom hierdie vlakke gestagneer (kyk ook [3][4][5]) ten spyte van sowat 60 000 geregistreerde gebruikers (2014). Van 2012 tot 2014 het die besoekergetalle 'n sprong getoon, van sowat 5 000 besoeke per uur na tussen 6 000 en 10 000 besoeke per uur, miskien na die verlies van ander Afrikaanse webblaaie soos My Fundy en Nuwe Geskiedenis van Suid-Afrika in dieselde tyd. Nadat soekrobotte en crawlers egter buite rekening gelaat is, blyk die 2015 besoeke tussen 'n skamele 2200 en 1100 per uur te wissel.[6]

Die inflasiekoers van gedrukte handboeke is in onlangse jare blykbaar ver bo die breë inflasiekoers, miskien omdat daar 'n breë skuif na digitale kommunikasie en dokumentasie is.[7] Gevolglik is daar enkele leerkragte en studente op Engelse wikipedia,[8] en ook die Afrikaanse wikipedia, wat sekere kursusinligting in artikelformaat op wikipedia plaas. Bydraende leerkragte kan 'n belangrike rol op Afrikaanse wikipedia vervul, aangesien die wikimediaprojekte bloot geleenthede is wat benut of verbeur word.

Subbladsye[wysig | wysig bron]