George Yonge

in Wikipedia, die vrye ensiklopedie
Jump to navigation Jump to search
George Yonge, 5de Baronet
George Yonge

Goewerneur van die Kaapkolonie
Ampstermyn
1799 – 1801
Monarg George III
Voorafgegaan deur Francis Dundas (waarnemend)
Opgevolg deur Francis Dundas (waarnemend)

Persoonlike besonderhede
Gebore 1731
Colyton, Devon
Sterf 25 September 1812
Hampton Court-paleis, Richmond upon Thames, Groter Londen
Eggenoot/eggenote Elizabeth Bourchier Clieve

Sir George Yonge, 5de Baronet (1731 - 25 September 1812) was Britse oorlogsekretaris van 1782–1783 en 1783–1794 en waarnemende goewerneur van die Kaapkolonie vir kort tydperke tussen 1799 en 1801.

Hy ontvang sy opleiding aan Eton en die Universiteit van Leipzig. In 1765 trou hy met Elizabeth Bourchier Clieve, maar dit was 'n kinderlose huwelik. In Engeland dien hy as lid van die Laerhuis vir die kiesafdeling Honiton van 1754 tot 1761 en weer van 1763 tot 1796. In 1782 word hy lid van die Geheime Raad. Hy tree vanaf 1799, ongeveer drie jaar, vir kort rukkies as goewerneur van die Kaapkolonie op.

Yonge was 'n kenner op die gebied van Romeinse paaie en sy naam leef voort in Yongestraat, die hoof deurpad in die Kanadese stad Toronto. Dit is tussen 1795 en 1796 gebou.

Hy sterf op 25 September 1812 in die Hampton Court-paleis.

Sien ook[wysig | wysig bron]