Gereformeerde kerk Secunda-Oos

in Wikipedia, die vrye ensiklopedie
Jump to navigation Jump to search

Die Gereformeerde kerk Secunda-Oos was die tweede gemeente van die GKSA op die nywerheidsdorp Secunda in Mpumalanga en het, buiten die oostelike dele van die dorp, ook Trichardt en Charl Cilliers ingesluit.

Die gemeente het in 1981 afgestig van die Gereformeerde kerk Secunda, wat self net twee jaar vantevore uit die Gereformeerde kerk Evander ontstaan het. Secunda-Oos het nooit haar eie kerkgebou gehad nie, maar steeds die kerkgebou van die moedergemeente op die hoek van Goedehoop- en Bosjesspruitstraat op Secunda gedeel, die eerste kerkgebou op die dorp. Die twee gemeentes het saam aanddiens gehou, maar Secunda se oggenddiens was byvoorbeeld in 1997 om 08:30 en Secunda-Oos s’n 10:15.

Nadat Secunda-Oos in 2006 by Secunda ingelyf is, moes die kerkgebou vergroot word deur die aanbring van ’n galery om al die kerkgangers tydens die gesamentlike oggenddiens te huisves. In 2016 het die saamgestelde gemeente twee predikante gehad wat in elk van die voormalige gemeentes se pastorie gewoon het. Evander het omstreeks dieselfde tyd as Secunda-Oos deel van Secunda geword.

Die verdeling tussen Secunda-Oos en Secunda was blykbaar deurentyd baie gelykop: In 1997 het Secunda-Oos 'n sieletal van 543 gehad en Secunda 560; in 2001 was dit 541 en 517.

Predikante[wysig | wysig bron]

  1. Grové, dr. Andreas Hendrik, 1981 – 1990
  2. Tiemensma, Eduard Jacob, 1990 – 1999
  3. Oosthuizen, Ockert Almero,1999 – 2005

Bronne[wysig | wysig bron]