Gereformeerde kerk Virginia

in Wikipedia, die vrye ensiklopedie
Die Gereformeerde kerk Virginia, 2008.
Ds. Alwyn Johannes du Plessis, leraar van 1961 tot 1964.

Die Gereformeerde kerk Virginia was die 11de oudste van die 22 gemeentes in die GKSA se Klassis Noord-Vrystaat. Al was hier einde 2015 net 43 belydende en agt dooplidmate, was die gemeente steeds groter as vyf ander gemeentes in die Klassis, naamlik Ventersburg (sieletal 30), Theunissen (47), Viljoenskroon (23), Hennenman (45) en Senekal (49).

Die Gereformeerde kerk Virginia het in 1956 ontstaan toe twee wyke, Virginia en Harmonie, van die Gereformeerde kerk Hennenman afgestig het. Drie jaar later, op 27 Junie 1959, kon die gemeente sy eie kerkgebou in gebruik geneem. Dis ’n A-vormige-gebou met ’n daknok van by die drie verdiepings hoog. Vanweë mynontwikkeling het die lidmaattal so uitgebrei dat in 1976 beplan is vir ’n nuwe, groter kerkgebou, maar vanaf 1991 was daar verskeie afdankings in die mynbedryf wat die gemeente weer laat krimp het. So het die sieletal van 198 in 2001 tot 51 in 2015. In 1960, toe die sieletal 376 was, was hier 171 belydende lidmate, maar ’n volle 205 dooplidmate.

Die gemeente het op 27 Augustus 2023 ontbind toe die meeste van die lidmate met attestaat oorgegaan het na die Gereformeerde kerk Welkom.

Predikante[wysig | wysig bron]

  1. Booyens, Johannes Hendrik, 1957 – 1961
  2. Du Plessis, Alwyn Johannes, 1961 – 1964
  3. Liebenberg, Thomas Arnoldus, 1965 – 1971
  4. Lourens, Matthys Johannes, 1972 – 1975 (verlaat die bediening)
  5. Hutcheons, Marthinus Jacobus van Dyk, 1975 – 1981 (verlaat die bediening)
  6. Vorster, Roelof Louis, 1982 – 1985
  7. Heystek, dr. Pieter Hendrik, 1985 – 1988
  8. Scheepers, Gideon Petrus, 1989 – 1990 (verlaat die bediening)
  9. Coetzee, Dawid Francois, 1991 – 2006

Bronne[wysig | wysig bron]

  • (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
  • (af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
  • (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
  • (af) Venter, ds. A.A. (hoofred.) 1960. Almanak van die Gereformeerde Kerk in Suid-Afrika vir die jaar 1961. Potchefstroom: Administratiewe Buro.
  • (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.

Sien ook[wysig | wysig bron]