Getal van die dier
666 (seshonderd ses en sestig) is die natuurlike getal ná 665 en voor 667.
In die Christendom word in die meeste manuskripte van Openbaring in die Nuwe Testament daarna verwys as die getal van die dier.[1][2] Papirus 115 (die oudste bewaarde manuskrip van Openbaring) sowel as ander antieke bronne, soos Codex Ephraemi Rescriptus, gee die getal van die dier aan as χιϛ of χιϲ, wat in Arabies gelykwaardig is aan die getal 616, nie 666 nie.[3][4]
"Mens se getal"[wysig | wysig bron]
In die Textus Receptus-manuskripte (oorgelewerde Griekse teks) van die Nuwe Testament beweer die boek Openbaring kripties 666 is "'n mens se getal". Dit word verbind met "die naam van die dier of die getal van sy naam".[5] Dié dier is 'n antagonistiese wese wat sowat twee derdes van die begin van die apokaliptiese visioen af voorkom. In die oorspronklike Koine-Griekse teks word die simbole χξϛ (chi ksi stigma) gebruik, terwyl die getal in ander manuskripte uitgeskryf word.[6]
In die moderne kultuur het 666 een van die algemeens erkende simbole vir die Antichris geword, of alternatiewelik vir die duiwel. Sommige mense neem die verbintenis van die getal met Satan so ernstig op dat hulle enigiets wat met 666 verband hou, vermy. Dit staan bekend as "heksakosioiheksekontaheksafobie".
Die getal van die dier word in sommige vroeë Bybelse manuskripte aangegee as 616. Die vroegste hiervan is Papirus 115.[7][8]
Nero[wysig | wysig bron]
Wanneer 'n getalswaarde aan name gegee word, word "Neron Caesar" uit Grieks in Hebreeus getranslitereer as נרון קסר (kort spelling), en dit gee die getal 666. Die Latynse spelling van "Nero Caesar" word in Hebreeus getranslitereer as "Ktiv haser", נרו קסר, en dit gee die getal 616. In die Bybel kon 666 dus 'n gekodeerde verwysing na Nero gewees het; hy was van 55-68 n.C. die Romeinse heerser.[9]
Sien ook[wysig | wysig bron]
Verwysings[wysig | wysig bron]
- ↑ Beale, Gregory K. (1999). The Book of Revelation: A Commentary on the Greek Text. Grand Rapids, Michigan: Wm. B. Eerdmans Publishing. p. 718. ISBN 080282174X. Besoek op 9 Julie 2012.
- ↑ "The Numerology of the Beast". people.math.harvard.edu. Besoek op 30 Maart 2021.
- ↑ Stewart, Robert B.; Ehrman, Bart D.; Wallace, Daniel B. (2011). The reliability of the New Testament. Minneapolis, MN: Fortress Press. pp. 40–41. ISBN 978-0-8006-9773-0.
- ↑ "Papyrus reveals new clues to ancient world". News.nationalgeographic.com. National Geographic Society. April 2005. Geargiveer vanaf die oorspronklike op 10 Januarie 2008. Besoek op 31 Maart 2014.
- ↑ Openbaring 13:18
- ↑ "Revelation 13:18". Stephanus New Testament. Bible Gateway. Besoek op 22 Junie 2006.
- ↑ Novum Testamentum Graece, Nestle en Aland, 1991, voetnoot tot vers 13:18 van Openbaring, bl. 659: "-σιοι δέκα ἕξ" as found in C [C=Codex Ephraemi Rescriptus]; vir Engels sien Metzger se Textual Commentary on the Greek New Testament, nota oor vers 13:18 van Openbaring, bl. 750: "the numeral 616 was also read ..."
- ↑ "The Other Number of the Beast". Geargiveer vanaf die oorspronklike op 1 Maart 2000.
- ↑ "666 – professors explain Roulette and Nero in detail; numberphile.com". Geargiveer vanaf die oorspronklike op 31 Maart 2013. Besoek op 6 April 2013.
Skakels[wysig | wysig bron]
Wikimedia Commons het meer media in die kategorie Getal van die dier.
Hierdie artikel is in sy geheel of gedeeltelik uit die Engelse Wikipedia vertaal.
