Gloucesterkaas

in Wikipedia, die vrye ensiklopedie
Jump to navigation Jump to search
Gloucester
Double Gloucester cheese.jpg
Ander name  Cotswold
Oorsprong  Gloucestershire,
Engeland
Melkbron  Koeie
Eienskappe
Gepasteuriseer  Nee
Tekstuur  Halfhard
Vorm  Rond
Veroudering  36 weke

Gloucester is ’n tradisionele, halfharde kaas wat sedert die 16de eeu in Gloucestershire, Engeland, gemaak is, op ’n tyd slegs van die melk van die eens byna uitgestorwe Gloucesterbees.

Soorte[wysig | wysig bron]

Cotswold en kraakbeskuitjies.

Daar is twee soorte gloucesterkaas: enkel en dubbel. Albei soorte het ’n natuurlike buitelaag en ’n halfharde tekstuur. Die enkelkaas is egter krummelriger, ligter van tekstuur en het ’n laer vetinhoud. Die dubbelkaas word vir langer verouder en het ’n sterker, gekruider smaak. Dit is ook effens harder. Albei word in ronde vorms vervaardig, maar dubbelgloucester is groter. Tradisioneel was die dubbelkaas duurder en is dit uitgevoer, terwyl die enkelkaas gewoonlik in Gloucestershire self geëet is.[1]

Dubbelgloucester word dikwels met ander bestanddele gemeng. Een variëteit word gemaak deur dit met gras- en sprietuie te meng; dit word bemark as cotswoldkaas, hoewel dit nie ’n tradisioneel Engelse kaasnaam is nie.[2][3] Dié kaas het na bewering dieselfde kleur as Cotswoldsteen, ’n Jurassiese kalksteen.[4]

Name[wysig | wysig bron]

Die rede hoekom die twee soorte kaas "enkel" en "dubbel" genoem word, is nie seker nie. Die hoofteorieë is:

  • dat die romerige melk twee keer afgeroom moes word vir die dubbelvariëteit;
  • dat die room van die oggend se melk by die aand se melk gevoeg is; of
  • dat die dubbelvariëteit gewoonlik twee keer so hoog soos die enkelvariëteit is.[5]

Verwysings[wysig | wysig bron]

  1. "Double Gloucester". British Cheese Board. Besoek op 13 Oktober 2009. 
  2. David E. H. Jones (1978-12-07). “Ariadne”. New Scientist 80 (1132).
  3. Widcombe, Richard (1978), The Cheese Book, p. 57, ISBN 9780890096628 
  4. "Cotswold Cheese". Gourmet-food.com. Besoek op 6 Julie 2013. 
  5. "British Cheese Board web-site". Besoek op 20 Mei 2012. 

Eksterne skakels[wysig | wysig bron]