GnT

in Wikipedia, die vrye ensiklopedie

GnT is 'n musiekgroep wat bestaan uit twee mans, Matthys Beukes en Eugene Prinsloo. Matthys Rossouw Beukes, gebore in Kimberley, was in Laerskool Newtown en matrikuleer aan Hoërskool Adamantia. Hy het sy diploma in Eiendomswaardasies verwerf. Hy is getroud met Desiree Beukes en het ‘n dogter, Tiffany-Anne Beukes. Eugene Prinsloo, ook gebore in Kimberley, was in Laerskool Staatspresident Swart en het matrikuleer aan Hoërskool Noord-Kaap. Hy is getroud met Hannah Elizabeth Prinsloo (ook bekend as sanger Hannah E).

Op skool het Matthys reeds deelgeneem aan verskeie musiekblyspele en verskeie liedjies opgevoer. Matthys het in die vermaaklikheidswêreld begin as ‘n platejoggie vir korporatiewe funksies en troues. Later het hy tydens funksies begin sing. Hy was ook deel van ‘n kerkkoor wat oor die land gereis het, en hier het sy liefde vir sang begin. Hy het toe saam met Alberto Mazzoncini begin optree en kommersieël begin sing in en om Kimberley en die Noord-Kaap. In 2015 het Matthys vir Eugene by ‘n optrede ontmoet en die moontlikheid van ‘n gesamentlike groep het ontstaan. Hulle het liedjies begin skryf en hul eerste album is deur Vonk Musiek opgeneem en versprei.

Eugene se pa het ‘n klankmaatskappy besit en hy het van kleintyd al gehelp met verhoë bou en klankstelsels en beligting opstel. Eugene het reeds op skool in orkeste gespeel en het die baskitaar, sang en dromme beoefen.

Albums[wysig | wysig bron]

  • Kom Kuier Saam – Vonk Musiek

Enkelsnitte[wysig | wysig bron]

  • Dis ‘n Manneding (2019)
  • Langsaan mekaar wakker word (2019)
  • Jy’s Beautiful (2019)
  • Laaste Kans (2019)

Toekennings[wysig | wysig bron]

GnT is in 2019 vir Ghoema-musiektoekennings ingeskryf onder pop album, beste nuweling en Eugene as beste nuwe vervaardiger.

Gemeenskap[wysig | wysig bron]

GnT is betrokke by droogtehulp in die Noord-Kaap en doen verskeie optredes in die verband om geld hiervoor in te samel vir ons boere. Hulle is ook betrokke by die plaaslike DBV en het ook al vir die instansie baie geld ingesamel met optredes.

Optredes[wysig | wysig bron]

GnT is betrokke by verskillende musiek-verhoogstukke soos A Tribute to Bob Dylan (met Dexan), A Night with Smokie (met Acer Band), Ouma se Spens (met Sharleen Surtie Richards) en The Rock and Roll Radio Show (met Acer Band). GnT het ook al vir verskeie van top kunstenaars soos Jo Black, Theuns Jordaan, Elandré, Steve Hofmeyr, Snotkop, Wicus van der Merwe, Dewald Wasserfall en Die Campbells ge-open by konserte. Langsaan mekaar wakker word, Jy’s Beautiful en Dis ‘n Manneding het nr.1 plekke behaal op verskeie internet radiostasies. GnT se musiek speel ook op RSG en verskeie ander radiostasies.

Bronnelys[wysig | wysig bron]