HMS Hood

in Wikipedia, die vrye ensiklopedie
Spring na: navigasie, soek
HMS Hood, 17 Maart 1924
Lugfoto van die Hood in 1924.

Die HMS Hood was een van Brittanje se bekendste slagskepe. Nadat sy te water gelaat is gedurende 1920 is sy beskryf as die mooiste oorlogskip in die wêreld. Sy was 'n nuwe geslag slagskip wat spoed met pantser gekombineer het. Ongelukkig was haar pantser op die verkeerde plekke waar dit nie werklik nodig was nie. Skepe se pantser is veronderstel om die skip se masjinerie en magasyne te beskerm.

Sy het 42 100 ton water verplaas by voltooiing en was toegerus met agt 15-duim kanonne, tien 4-duim kanonne en vier 21-duim torpedo buise. Sy is aangedryf deur vier stoomturbines wat 144 000 skeeps perdekrag gelewer het en kon 'n spoed van 31 knope haal.

Sy is gekelder op die 24 Mei 1941 deur die Duitse slagskip, Bismarck en die kruiser Prinz Eugen. Een van die Bimarck se 15-duim projektiele het een van haar magasyne binne gedring en Hood het ontplof en binne minute gesink. Slegs drie van 1418 bemanningslede het oorleef.

Bron[wysig]