Bismarck (skip)

in Wikipedia, die vrye ensiklopedie
Spring na: navigasie, soek
Die artikel handel oor die skip, vir inligting oor die gelyknamige stad, sien Bismarck, vir die Duitse politikus, sien Otto von Bismarck.
Die Bismarck in 1940.
Die Bismarck in Hamburg geanker.

Die Bismarck was 'n slagskip van die Duitse vloot tydens die Tweede Wêreldoorlog. Die skip het beroemd geraak nadat hy die trots van die Britse vloot die HMS Hood op 24 Mei 1941 gesink het. Die Bismarck is 'n paar dae later self deur die Britse vloot in 'n opvolgaksie gekelder.

Statistiek[wysig | wysig bron]

Die skip het 'n verplasing van 41 700 ton gehad en was met agt 15-duim, twaalf 5.9 duim en sestien 4.1 duim lugafweerkanonne bewapen. Die skip is deur drie turbine-aangejaagde skroewe aangedryf wat 'n topspoed van 29 knope verseker het.

Geskiedenis[wysig | wysig bron]

By voltooiing was die skip en sy susterskip die Tirpitz groter as wat die internasionale vlootooreenkoms op daardie stadium toegelaat het. Admiraal Lütjens was in bevel van die Bismarck. Op 18 Mei 1941 het die Bismarck, vergesel deur die groot kruiser Prinz Eugen, die hawe te Gdynia verlaat. Op 21 Mei het die twee skepe Bergen, Noorweë, verlaat nadat hulle daar aangedoen het. Hulle vaar om Ysland en deur die Straat van Denemarke. Gedurende 24 Mei het hulle in 'n geveg met HMS Hood en HMS Prince of Wales betrokke geraak. Die Bismarck het die Hood met 'n volle salvo gesink en die Prince of Wales is ook beskadig. Een van die Prince of Wales se 14-duim projektiele het egter een van die Bismarck se 1000-ton brandstof tenks getref wat Lütjens gedwing het om skuiling te gaan soek in Brest, Frankryk.

Die verlies van die Hood was 'n skok vir Brittanje se aansien. Die Hood is as die kragtigste skip deur Brittanje beskou. Brittanje het onmiddellik 'n hasejag-operasie van stapel gestuur; agt skepe is gestuur om die Bismarck te vind en te sink. Een van die skepe was die HMS Rodney. Op 27 Mei is die Bismarck gekelder nadat 'n torpedo van een van die HMS Ark Royal se vliegtuie sy roer buite aksie gestel het. Prinz Eugen het daarin geslaag om te ontsnap. Slegs 118 van 1962 manskappe is van die Bismarck gered; 25 deur die torpedojaer HMS Maori, 85 deur die kruiser HMS Dorsetshire en 8 deur die Duitse skepe.

Bron[wysig | wysig bron]